'వెంకీ' 75వ సినిమా అతనితోనేనా ?
cinema | Suryaa Desk | Published : Thu, Dec 12, 2019, 04:36 PM
విక్టరీ వెంకటేష్, నాగ చైతన్యల మల్టీస్టారర్ గా తెరకెక్కిన మూవీ 'వెంకీమామ'. ఈ మూవీలో పాయల్ రాజ్ పుత్, రాశీఖన్నా కథానాయికలు. వెంకీ మామ ఈ నెల 13న వెంకీమామ ప్రేక్షకుల ముందుకు రానున్నాడు. వెంకీమామా చిత్రంతో నటుడు వెంకటేశ్ ప్రేక్షకులని అలరించనున్నాడు. ఈ మూవీ తర్వాత వెంకటేశ్ 74వ చిత్రంగా 'అసురన్' రీమేక్ సెట్స్ పైకి వెళ్లనుంది. సురేశ్ ప్రొడక్షన్స్ బ్యానర్ లో ఈ సినిమాను నిర్మించడానికి ఏర్పాట్లు జరిగిపోతున్నాయి. ఈ నేపథ్యంలో సంఖ్యా పరంగా ప్రాధాన్యతను సంతరించుకున్న వెంకటేశ్ 75వ సినిమాను గురించి అభిమానులు మాట్లాడుకుంటున్నారు. ఇంతకుముందు తరుణ్ భాస్కర్ వినిపించిన ఒక కథకి వెంకటేశ్ గ్రీన్ సిగ్నల్ ఇచ్చారు. అందుకే ఆయన 75వ సినిమా తరుణ్ భాస్కర్ తోనే ఉండొచ్చని టాక్. 'సరిలేరు నీకెవ్వరు' తరువాత అనిల్ రావిపూడి వెంకటేశ్ తో 'ఎఫ్ 3' చేయాలనుకుంటున్నాడు. అనిల్ రావిపూడి సక్సెస్ రేట్ కారణంగా తన 75వ సినిమాను ఆయనతో చేయడానికే వెంకటేశ్ మొగ్గుచూపుతున్నాడని మరికొందరు అంటున్నారు.
|
|