ఫుల్ బిజీగా నితిన్
cinema | Suryaa Desk | Published : Sat, Dec 21, 2019, 05:57 PM
నితిన్కి మంచి హిట్ వచ్చి చాలా కాలం అయ్యింది. ఇంకా కరెక్ట్గా చెప్పాలంటే మూడేళ్లు దాటింది. ఎన్నో ఆశలతో చేసిన 'లై ' సినిమా వేరే సినిమాలతో పోటీ పడి నలిగిపోయింది. పవన్ కళ్యాణ్, త్రివిక్రమ్ కలిసి ప్రొడ్యూస్ చేసిన ఛల్ మోహన్ రంగ కూడా షాక్ ఇచ్చింది. సర్లే అని దిల్ రాజు జడ్జిమెంట్ని నమ్ముకుని చేసిన శ్రీనివాసకల్యాణం సినిమా కూడా దారుణమయిన ఫలితాన్ని అందించింది. అయితే 'పవర్ పేట' పేరుతో పీపుల్స్ మీడియా ఫ్యాక్టరీ ఓ చిత్రాన్ని తెరకెక్కిస్తుంది. ఈ చిత్రం షూటింగ్ రానున్న వేసవిలో ప్రారంభమవుతుందని చిత్ర వర్గాలు తెలిపాయి. ఈ మూవీలో యంగ్ హీరో నితిన్ నటిస్తున్నాడు. ప్రస్తుతం 'భీష్మ' చిత్రాన్ని పూర్తిచేసే పనిలో ఉన్న నితిన్, వెంకీ అట్లూరి దర్శకత్వం వహిస్తున్న 'రంగ్ దే' చిత్రం షూటింతోనూ బిజీగా ఉన్నాడు. ఈ చిత్రం తర్వాత చంద్రశేఖర్ యేలేటి దర్శకత్వంలో మరో చిత్రం చేయాల్సి ఉంది. ఆ తర్వాత 'పవర్ పేట'కు వెళ్తారు. కృష్ణచైతన్య ఈ చిత్రానికి కథ సమకూర్చుతున్నారు.
|
|