'బుట్టబొమ్మ' ఎప్పుడొస్తుందంటే?
cinema | Suryaa Desk | Published : Sat, Dec 21, 2019, 06:10 PM
అల్లు అర్జున్, త్రివిక్రమ్ శ్రీనివాస్ కాంబినేషన్లో తెరకెక్కుతున్న చిత్రం 'అల వైకుంఠపురములో'. ఈ చిత్రం నుంచి విడుదలైన 'సామజవరగమన', 'రాములో రాములా', 'ఓ మై గాడ్ డాడీ' పాటలకు జనాల నుంచి విశేషమైన స్పందన లభించిన విషయం తెలిసిందే. ఈ సినిమా నుంచి 'బుట్టబొమ్మ' అనే మరో పాట విడుదలవుతున్నట్లు చిత్రం బృందం ప్రకటించింది. రేపు ఉదయం 10 గంటలకు ఈ పాట టీజర్ను విడుదల చేయనున్నారు. గీతా ఆర్ట్స్, హారిక అండ్ హాసిని బ్యానర్లపై ఈ సినిమాను అల్లు అరవింద్, ఎస్ రాధాకృష్ణ సంయుక్తంగా నిర్మిస్తున్నారు. ఈ సినిమాలో పూజ హెగ్డే హీరోయిన్గా నటిస్తుండగా.. టబు, రాజేంద్రప్రసాద్, సచిన్ ఖేడ్కర్, తనికెళ్ళ భరణి, మురళీ శర్మ, సముద్రఖని, జయరాం, సునీల్, నవదీప్, సుశాంత్, నివేతా పేతురాజ్, గోవిందా పద్మసూర్య, రోహిణి, ఈశ్వరీరావు, కల్యాణి నటరాజన్, శిరీష, బ్రహ్మాజీ, హర్షవర్ధన్, అజయ్, పమ్మిసాయి, రాహుల్ రామకృష్ణ ప్రధాన పాత్రల్లో నటిస్తున్నారు. ఈ సినిమాకి థమన్.ఎస్ సంగీతం అందిస్తుండా.. రామ్,లక్ష్మణ్ ఫైట్స్ కంపోజ్ చేస్తున్నారు. ఈ సినిమా 2020, జనవరి 12వ తేదీన ప్రపంచవ్యాప్తంగా విడుదలవుతోంది.
|
|