ట్రెండింగ్
విక్రమ్ కొత్త చిత్రానికి టైటిల్ ఖరారు
cinema | Suryaa Desk | Published : Fri, Dec 27, 2019, 11:27 PM
తమిళం,తెలుగు భాషల్లో వైవిధ్యమైన చిత్రాలు చేస్తూ విభిన్న పాత్రలతో ప్రేక్షకుల ఆదరాభిమానాలు చూరగొన్న నటుడు విక్రమ్.‘అపరిచితుడు’ చిత్రంతో తెలుగు ప్రేక్షకులకు మరింత చేరువై అనంతరం వరుస చిత్రాలతో అలరించారు.ఈ క్రమంలో మరో వైవిద్యకథాంశం ఉన్న చిత్రంతో విక్రమ్ ప్రేక్షకులను అలరించేందుకు సిద్ధమయ్యాడు. జ్ఞానముత్తు దర్శకత్వంలో వస్తున్న విక్రమ్ 58వ చిత్రానికి ‘కోబ్రా’ అని టైటిల్ ఖరారు చేశారు.ఈ సందర్భంగా టైటిల్ మోషన్ పోస్టర్ను విడుదల చేశారు. ఈ చిత్రంలో శ్రీనిధి శెట్టి విక్రమ్ సరసన నటిస్తోంది.క్రికెటర్ ఇర్ఫాన్ పఠాన్ కీలకపాత్రలో కనిపించనున్నారు.దిగ్గజ సంగీత దర్శకుడు ఏఆర్ రెహమాన్ సంగీతం సమకూరుస్తున్నాడు.లలిత్ నిర్మాత. తమిళ, తెలుగు, హిందీ భాషల్లో వచ్చే సంవత్సరం వేసవిలో ఈ చిత్రాన్ని విడుదల చేయనున్నారు.
|
|