త్వరలోనే వెండితెరపై అనసూయ భర్త ఎంట్రీ
cinema | Suryaa Desk | Published : Mon, Dec 25, 2017, 04:31 PM
బుల్లితెర హాట్ యాంకర్ అనసూయ సినిమాల్లో కూడా నటిస్తున్న సంగతి తెలిసిందే. ‘సోగ్గాడే చిన్ని నాయన’, ‘క్షణం’ సినిమాల్లో ఆమె నటికు మంచి మార్కులు పడ్డాయి. ప్రస్తుతం అనసూయ ‘రంగస్థలం’ సినిమాలో ముఖ్య పాత్రలో కనిపించనుంది. అయితే ఇప్పుడు అనసూయ భర్త సుశాంక్ భరద్వాజ్ కూడా సినిమాల్లోకి రాబోతున్నారని టాక్. సుశాంక్ హైదరాబాద్లోనే బ్యాంక్ ఉద్యోగిగా స్థిరపడ్డాడు. అనసూయ టీవీ రంగంలో, సినిమాల్లో రాణించడం వెనుక సుశాంక్ ప్రోత్సాహం ఎంతో ఉంది.
అయితే ఇప్పుడు ఆయన కూడా నటనలో రాణించాలని భావిస్తున్నారట. సినిమా ఇండస్ట్రీలో కొన్ని పరిచయాలు ఉండడంతో క్యారెక్టర్ ఆర్టిస్ట్గా గుర్తింపు తెచ్చుకోవాలని చూస్తున్నారు. దానికి నటనలో శిక్షణ కూడా తీసుకున్నారట. ప్రస్తుతం టాలీవుడ్లో జోరుగా వినిపిస్తున్న వార్తలివి. సరైన అవకాశం గనుక దొరికితే త్వరలోనే వెండితెరపై ఎంట్రీ ఇస్తారట సుశాంక్. అయితే ఈ విషయంపై అటు అనసూయ కానీ సుశాంక్ గానీ స్పందించలేదు. మరి సుశాంక్ వెండితెర ఆరంగేట్రం ఎప్పుడో.. ఏ సినిమాతో ఆయన నటన మొదలుపెడతారో తెలియాలంటే మరికొన్ని రోజులు ఆగాల్సిందే.
|
|