హీరోయిన్ కుష్బూ ట్విట్టర్ అకౌంట్ హ్యాక్..

తమిళులు ఆరాధ్య నటి కుష్బూ సుందర్‌కు చేదు అనుభవం ఎదురైంది. వివరాల్లోకి వెళితే.. నటి కుష్బూ ఆమె ట్విట్టర్ అకౌంట్‌ హ్యాక్ అయిందంటూ తన  ఇన్‌స్టాగ్రామ్‌‌ ఫాలోవర్స్‌తో పంచుకుంది. అంతేకాదు తన ట్విట్టర్ అకౌంట్ ఎవరో హ్యాక్ చేసినట్టు వెల్లడించింది. దీంతో అభిమానులు జాగ్రత్తగా ఉండాలంటూ కోరారు. ఈ విషయమై ఎవరైనా తనకు సహాయం చేయగలరా అని రిక్వెస్ట్ చేశారు. గత రెండు రోజుల్లో నేను నా పాస్‌వర్డ్‌ను మార్చుకోలేకపోయానంటూ వివరణ ఇచ్చింది. ఐతే.. కుష్బూ తన అకౌంట్ ఎలా హ్యాక్ అయిందో లేదో తెలియడం లేదంటూ వాపోయింది. మరోవైపు పాస్‌వర్డ్ మరిచిపోవడం కానీ ఏదైనా టెక్నికల్ ఇష్యూ రావడం కానీ జరిగి ఉంటుందని ఖుష్బూ పేర్కొన్నారు. ఐతే..నిజంగానే తన ట్విట్టర్ అకౌంట్ బ్లాక్ అయిందనే విషయం మాత్రం తెలియడం లేదంది. ఈ విషయంలో ట్విట్టర్ కూడా తనకు హెల్ప్ చేయడం లేదంది. నా అకౌంట్ ఏమైనా సస్పెండ్ అయిందా అనే అనుమానం కలుగుతుంది. ఈ విషయమై ఎవరికైనా తెలిస్తే తనకు చెప్పండి అంటూ తన ఇన్‌స్టాగ్రామ్ వేదికగా వేడుకుంది.ఐతే కుష్బూ ట్విట్టర్ అకౌంట్‌లో ఎవరు ఎలాంటి అసభ్యకరమైన కంటెంట్ పోస్ట్ చేయకపోవడంతో ఆమె కాస్త రిలాక్స్ అవుతోంది. ఎవరైనా ఆకతాయిలు తన ట్విట్టర్‌ను కావాలనే హ్యాక్ చేసారా... లేక పాస్‌వర్డ్ లోపం కారణంగా ఇలాంటిదేమైనా జరిగిందా అనే విషయం ఆసక్తికరంగా మారింది. ప్రస్తుతం కుష్బూకు ట్విట్టర్‌లో 13 లక్షలకు పైగా ఫాలోవర్స్ ఉన్నారు. గతంలో కుష్బూ తన ట్విట్టర్ అకౌంట్‌‌లో తనపై ట్రోల్స్ పెరగడంతో ఆమె తీవ్ర మనస్తాపం చెంది. దాన్ని డియాక్టివేట్ చేశారు. కానీ ఆ తర్వాత తన సన్నిహితుల సలహాల మేరకు ఆమె తిరిగి సోషల్ మీడియాలో అడుగుపెట్టి తన ట్విట్టర్‌ అకౌంట్‌ను యాక్టివేట్ చేసుకున్నారు. కుష్బూ విషయానికొస్తే.. ఆ మధ్య తెలుగులో పవన్ కళ్యాణ్ ‘అజ్ఞాతవాసి’లో తల్లి పాత్రలో మెరిసింది. ఇపుడు ‘అన్నాత్తె’ సినిమాలో రజినీకాంత్ సరసన నటిస్తోంది.