మెగాస్టార్ చిరంజీవి పై డైరెక్టర్ రాఘవేంద్రరావు ఆసక్తికర కామెంట్స్

టాలీవుడ్‌లో చిరంజీవి, కే.రాఘవేంద్రరావులది సూపర్ హిట్ కాంబినేషన్. వీళ్లిద్దరి కలయికలో 14 సినిమాలు తెరకెక్కాయి. అందులో 12 సినిమాల్లో చిరంజీవి హీరోగా నటించారు. రెండు చిత్రాల్లో మాత్రం సెకండ్ హీరో పాత్రలో నటించాడు. మొత్తంగా వీళ్లిద్దరి కలయకలో వచ్చిన చిత్రాలు తెలుగు ఇండస్ట్రీలో బాక్సాఫీస్ రికార్డులను తిరగరాసాయి. నిన్నటి నిన్న చిరంజీవి, రాఘవేంద్రరావు కాంబినేషన్‌లో వచ్చిన ఘరానా మొగుడు సినిమా బాక్సాఫీస్ దగ్గర సూపర్ హిట్‌గా నిలిచింది. ఈ సందర్భంగా ఈ సినిమా గురించి రాఘవేంద్రరావు తన జ్జాపకాలను పంచుకున్నారు. కాలం త్వరగా గడిచిపోతుంది. ఐతే నా బాబాయితో కలిసి ఈ సినిమా షూటింగ్‌లో పాల్గొన్న రోజులను ఇప్పటికీ మరిచిపోలేనన్నారు. రాఘవేంద్రరావు.. చిరంజీవిని ముద్డుగా బాబాయి అని పిలుస్తుంటారు. ఇది మా ఇధ్దరి కాంబినేషన్‌లో స్పెషల్ మూవీ. ఈ సినిమా విడుదలై 28 ఏళ్లు పూర్తయ్యాయి. నిర్మాత దేవీవర ప్రసాద్ గారికి, కీరవాణికి చిత్ర బృందానికి రాఘవేంద్రరావు కృతజ్ఞతలు తెలిపారు.ఇక దర్శకేంద్రుడు ట్వీట్‌కు చిరంజీవి స్పందించారు. ఈ ఘనత మీతో పనిచేసిన ప్రతీ రోజు నాకో మంచి జ్ఞాపకం అన్నారు. నటీనటులను పువ్వుల్లో, ఒక్కోసారి పళ్లల్లో పెట్టి చూసుకొని మంచి ఫలితాలను రాబట్టుకునే ఘరానా దర్శకుడు మీరు. ఈ  సినిమా విజయంలో కీరవాణి, దేవీ వరప్రసాద్ ఈ విజయానికి అసలు కారకులు అంటూ చిరంజీవి రిప్లై ఇచ్చారు.ఇక కీరవాణి, రాఘవేంద్రరావు, చిరంజీవి కాంబినేషన్‌లో ఇది ఫస్ట్ మూవీ. ఇక నిర్మాత దేవీ వరస్రసాద్, చిరంజీవి, రాఘవేంద్రరావు గతంలో కొండవీటి దొంగ, మంచి దొంగ సినిమాలు చేసారు.ఈ ముగ్గురి కాంబినేషన్‌లో వచ్చిన హాట్రిక్ మూవీ ఘరానా మొగుడు. మొత్తంగా రాఘవేంద్రరావు టేకింగ్.. చిరంజీవి మెగా ఇమేజ్.. కామెడీ టైమింగ్.. నగ్మా అందాలు.. వాణి విశ్వనాథ్ సొగసులు అన్నీ సినిమాకు ప్లస్ అయ్యాయి.