హైపర్ ఆది, గెటప్ శ్రీను మధ్య వార్...
cinema | Suryaa Desk | Published : Sat, Apr 11, 2020, 03:07 PM
జబర్దస్త్ ప్రారంభమైనప్పటి నుంచి అదే షోలో కంటిన్యూ అవుతూ పేరు సంపాదించిన కొద్ది మంది స్టార్స్ లో గెటప్ శ్రీను ఒకడు. బుల్లితెర కమల్ హాసన్ గా పిలవబడే గెటప్ శ్రీనుకు ప్రత్యేకమైన ఫాలోయింగ్ ఉంది. తన మేనరిజంతో షో మొత్తాన్ని తనవైపు తిప్పుకునే సత్తా అతడి సొంతం. అయితే గెటప్ శ్రీను తర్వాత అంతటి పేరున్న మరో కమెడియన్ హైపర్ ఆది అనే చెప్పవచ్చు. స్కిట్ లో కంటెంట్ కన్నా పంచులనే నమ్మకొని చాలా స్పీడ్ గా ఎదిగిన ఆర్టిస్టుల్లో హైపర్ ఆది ఒకడు. అయితే జబర్దస్త్ లో ఆర్టిస్టులంతా ఫ్రెండ్స్ లాగా కలిసి మెలసి ఉంటారు. అయితే వీరి మధ్య పచ్చగడ్డి వేస్తే భగ్గుమనేంత విబేధాలు ఉన్నాయని సన్నిహిత వర్గాల ద్వారా తెలుస్తోంది. గతంలో గెటప్ శ్రీనుకు మూడేళ్లలో రాని పేరు, హైపర్ ఆదికి మూడు నెలల్లో వచ్చింది అంటూ బుల్లెట్ భాస్కర్ చేసిన కామెంట్స్ అప్పట్లో హీట్ పుట్టించాయి. అప్పుడే జబర్దస్త్ ఆర్టిస్టులు రెండు గ్రూపులుగా విడిపోయారని టాక్ వచ్చింది. ఇక ప్రస్తుతం మాస్ అవినాష్ ఓ టెలివిజన్ రియాలిటీ షోలో యాంకర్ సుమ అడగిన ప్రశ్నకు గెటప్ శ్రీను, హైపర్ ఆదిలో ఎవరు టాలెంటెడ్ అంటే హైపర్ ఆదియే ఎక్కువ టాలెంటెడ్ అని బాంబు పేల్చాడు. దీంతో వీరిద్దరి మధ్య మరింత అగ్నికి ఆజ్యం పోసినంతగా మారింది.
|
|