డైరెక్టర్ అట్లీ కుమార్ తో ఎన్టీఆర్
cinema | Suryaa Desk | Published : Thu, Apr 16, 2020, 12:28 PM
యంగ్ టైగర్ ఎన్టీఆర్ క్షణం తీరికలేకుండా షూటింగ్లతో బిజీ అయిపోయారు. ఈ మధ్యకాలంలో ఆయన ఫ్యామిలీతో కలిసి ఎంజాయ్ చేయడానికి కాస్త బ్రేక్ కూడా తీసుకోలేదు. ఇదిలా ఉండగా ఇప్పుడు మరో ఆసక్తికరమైన విషయం ఒకటి టాలీవుడ్ నుంచి వినిపిస్తోంది. ‘ఆర్ ఆర్ ఆర్’ తర్వాత తారక్.. మాటల మాంత్రికుడు త్రివిక్రమ్ శ్రీనివాస్తో కలిసి పనిచేయడానికి ఒప్పుకున్నారట.. ప్రస్తుతం అందుకు సంబంధించిన సన్నాహాలు జరుగుతున్నాయి. ఆ తరువాత సినిమాను ఆయన అట్లీ కుమార్ దర్శకత్వంలో చేయనున్నాడనే వార్త ఒకటి కొన్ని రోజులుగా షికారు చేస్తోంది. ఎన్టీఆర్ - అట్లీ కుమార్ కాంబినేషన్ ఎలా సెట్ అయిందబ్బా అనే సందేహం అభిమానులకు రావడం సహజం.తమిళంలో విజయ్ హీరోగా అట్లీ కుమార్ 'మెర్సల్' (అదిరింది) సినిమా చేశాడు. ఆ సినిమాకి విజయేంద్ర ప్రసాద్ స్క్రీన్ ప్లే ను సమకూర్చారు. అప్పటి నుంచి అట్లీ కుమార్ కి .. విజయేంద్ర ప్రసాద్ కి మధ్య మంచి సాన్నిహిత్యం ఉంది. ఆ సమయంలోనే తన దగ్గరున్న ఒక కథను గురించి అట్లీ కుమార్ .. విజయేంద్ర ప్రసాద్ కి చెప్పాడట. ఆ కథ ఎన్టీఆర్ కి పెర్ఫెక్ట్ గా సెట్ అవుతుందని చెప్పి, ఆ ఇద్దరినీ కూర్చోబెట్టింది విజయేంద్ర ప్రసాద్ అని అంటున్నారు. ఆ కథతోనే అట్లీ కుమార్ .. ఎన్టీఆర్ ను ఒప్పించాడని చెప్పుకుంటున్నారు.
|
|