నేను పెళ్లి చేసుకోనే వ్యక్తి ఎవరంటే
cinema | Suryaa Desk | Published : Mon, Feb 05, 2018, 10:31 AM
బాహుబలి సినిమా తర్వాత అనుష్క నటించిన భాగమతి చిత్రం హిట్ టాక్తో దూసుకెళ్తున్నది. ఆ విజయాన్ని ఆస్వాదించుకొంటూ మీడియాతో సంతోషాన్ని పంచుకొంటున్నారు. ఈ నేపథ్యంలో మీడియాతో మాట్లాడుతూ తన పెళ్లి గురించి, వరుడి గురించిన విషయాలను ప్రస్తావించారు. ఇంతకీ తన పెళ్లిపై, భాగమతి సినిమాపై అనుష్క ఏమన్నారంటే..భాగమతి సినిమాపై ప్రేక్షకులు చూపిస్తున్న ఆదరణకు ఆనందంగా ఉంది. చాలా రోజుల తర్వాత సోలో హిట్ ఎంజాయ్ చేస్తున్నాను. కేవలం సినిమా నా భారంపైనే మోసే అవకాశం రావడం నిజంగా అదృష్టమే అని అనుష్క పేర్కొన్నది.బాహుబలి తర్వాత నా పెళ్లి గురించిన వార్తలు రావడంతో ఒత్తిడి పెరిగింది. కుటుంబ సభ్యులు కూడా పెళ్లి చేసుకోమని చెబుతున్నారు. మీడియాలో కూడా ఎక్కడ పడితే పెళ్లి గురించి రూమర్లే వస్తున్నాయి అని అనుష్క చెప్పింది.నాకు పెళ్లి పట్ల మంచి నమ్మకం, విశ్వాసం ఉంది. కానీ సరైన సమయంలో వివాహం చేసుకొంటాను. నాకు పిల్లల్ని కనాలనే కోరిక ఉంది. పిల్లలంటే నాకు చాలా ఇష్టం అని చెప్పింది.ఎవరో ఒకరిని పెళ్లి చేసుకోవడం అంటే నాకు ఇష్టం ఉండదు. నా మనసుకు నచ్చిన వ్యక్తిని పెళ్లి చేసుకోవాలనుకొంటున్నాను. అదే విషయాన్ని నా తల్లిదండ్రులు చెబుతున్నారు. సరైన సమయం కోసం వేచి చూస్తున్నాను అని జేజేమ్మ తన మనసులో మాట బయటపెట్టింది.
|
|