శారదకు జాబ్ లెటర్.. సోనూసూద్ సాయం
cinema | Suryaa Desk | Published : Tue, Jul 28, 2020, 05:07 PM
రియల్ హీరో సోనూసూద్ మరో సారి తన మంచి మనస్సు చాటారు. లాక్డౌన్ కారణంగా ఉద్యోగం కోల్పోయిన సాఫ్ట్ వేర్ శారదకు ఉద్యోగం చేశాడు. ఆమె ఉద్యోగం కోల్పోయి కూరగాయలు అమ్ముతున్న వీడియో మీడియాలో వైరల్ గా మారింది. ఈ విషయం సోనూసూద్ దృష్టికి వెళ్లడంతో ఆయన స్పందించారు శారదకు తన వంతు సహాయం చేస్తానని ప్రకటించారు. ఈ నేపథ్యంలో సోమవారం తన ప్రతినిధి ఆమెకు జాబ్ ఆఫర్ లెటర్ అందించినట్లు సోనూసూద్ సోషల్ మీడియాలో వెల్లడించారు. నిన్న చిత్తూరులోని వ్యవసాయ కుటుంబానికి కూడా ట్రాక్టర్ ఇచ్చి ఆదుకున్నారు. సాఫ్ట్ వేర్ శారదకు సాయం చేయాలన్న ఓ నెటిజన్ ట్విట్టర్ లో చేసిన విజ్ఞప్తిపై.. సోనూ స్పందించారు. ‘‘మా ప్రతినిధి తనను కలిశారు. ఇంటర్వ్యూ పూర్తైంది. జాబ్ లెటర్ కూడా పంపించాం. జై హింద్’’అని సోనూసూద్ ట్వీట్ చేశారు. కరోనా కారణంగా ఉద్యోగాలు కోల్పోయి, దిక్కుతోచని స్థితిలో ఉన్న వారందరి కోసం సోనూ సూద్ ఓ కొత్త యాప్ను తయారు చేయబోతున్నారు. ఈ యాప్ ద్వారా అవసరంలో ఉన్నవారి అర్హతలను బట్టి ఉద్యోగం ఇచ్చే ఏర్పాటు చేయనున్నారు. దారిద్య్ర రేఖకు దిగువన ఉన్నవారికి మాత్రమే అవకాశం కల్పించనున్నారు.
|
|