నల్లగా ఉన్నానని కామెంట్ చేసేవారు: రోజా
cinema | Suryaa Desk | Published : Wed, Feb 03, 2021, 02:21 PM
సినీ ఇండస్ట్రీలోనూ..రాజకీయ జీవిత ఆరంభంలోనూ ఎన్నో ఇబ్బందులు ఎదుర్కన్నట్లు సినీనటి, వైసీపీ ఎమ్మెల్యే రోజా తెలిపారు. సినీ ఇండస్ట్రీకి పరిచయమైన కొత్తలో నల్లగా ఉన్నావంటూ కామెంట్స్ చేసేవారని ఆమె చెప్పుకొచ్చారు. మంగళవారం సౌత్ ఇండియా సినీ, టీవీ మేకప్ ఆర్టిస్ట్-హెయిర్ స్టైలిష్ యూనియన్ ఆధ్వర్యంలో విరుగంబాక్కంలోని హెచ్జే సినీ మేకప్ హెయిర్, బ్యూటీ అకాడమీ ప్రారంభోత్సవ కార్యక్రమంలో పాల్గొన్నారు. ఈ సందర్భంగా రోజా కీలక వ్యాఖ్యలు చేశారు.
దివంగత ముఖ్యమంత్రి జయలలిత తనకు స్ఫూర్తి అని చెప్పుకొచ్చారు. తాను సినీపరిశ్రమకు వచ్చిన కొత్తలో నల్లగా ఉన్నారు.. ఎలా సినిమాల్లో రాణిస్తారంటూ ప్రతి ఒక్కరూ కామెంట్స్ చేసేవారని గుర్తు చేసుకున్నారు. కానీ మేకప్మెన్స్ తనకు కాస్త రంగువేసి..మరింత అందంగా చూపించారన్నారు. వారి కారణంగానే తాను వెండితెరపై అందంగా కనిపించానని చెప్పుకొచ్చారు. తనకు కోలీవుడ్ పుట్టినిల్లు లాంటిదన్నారు. సాధారణంగా మన ఇంట్లో జరిగే శుభకార్యాలకు తొలుత ఇంటి ఆడపడుచుతో దీపం వెలిగాస్తారన్నారు.
అలా తనను అకాడెమీ ప్రారంభోత్సవానికి ఆహ్వానించి, జ్యోతి ప్రజ్వలన చేయడం చాలా సంతోషంగా ఉందన్నారు. రాజకీయాల్లోకి అడుగుపెట్టిన తర్వాత కూడా అనేక ఇబ్బందులు, ఎత్తుపల్లాలను చవిచూశానని చెప్పారు. అలాంటి సమయంలో పురట్చితలైవి జయలలితను తలచుకుంటే, తనలో కొండంత ధైర్యంతో పాటు ఎక్కడలేని ఆత్మవిశ్వాసం కలిగేదని రోజా చెప్పుకొచ్చారు.
|
|