నటి చిత్ర మృతి కేసులో కీలక మలుపు..!
cinema | Suryaa Desk | Published : Wed, Feb 03, 2021, 03:02 PM
ప్రముఖ తమిళ టీవీ నటి 'ముల్లై' చిత్ర ఆత్మహత్య చేసుకునే మృతి చెందినట్లు నిపుణుల కమిటీ స్పష్టం చేసింది. ఈ మేరకు ఓ నివేదికను కేసు దర్యాప్తు చేస్తున్న నజరత్పేట పోలీసులకు అందజేయగా..వారు హైకోర్టుకు సమర్పించారు. నటి చిత్ర..పూందమల్లికి చెందిన హేమనాథ్ అనే యువకుడిని ప్రేమించింది. వారి కుటుంబ సభ్యుల అంగీ కారంతో వీరి పెళ్ళి నిశ్చితార్థం జరిగింది. అయితే పెద్దలకు తెలియకుండా అక్టోబర్ 19న ఇద్దరూ రిజిస్టర్ మ్యారేజ్ చేసుకున్నారు. ఆ తర్వాత డిసెంబర్ మొదటివారంలో చిత్ర, హేమనాథ్ నజరత్పేటలోని ఓ స్టార్ హోటల్లో దిగారు.
చిత్ర ఆ హోటల్ నుంచి వెళ్ళి టీవీ సీరియల్ షూటింగ్లో పాల్గొనేది. ఆ నేపథ్యంలో డిసెంబర్ 9న చిత్ర, హేమనాధ్ల మధ్య తీవ్ర గొడవలు జరిగాయి. దీంతో కలత చెందిన చిత్ర తనగదిలో ఉరిపోసుకుని ఆత్మహత్య చేసుకుంది. చిత్రను ఆత్మహత్య చేసుకునేలా ప్రేరేరింపించాడనే నేరారోపణపై హేమనాధ్ను పోలీసులు అరెస్టు చేశారు. చిత్ర పోస్టుమార్టం రిపోర్టును ఫోరెన్సిక్ ఇతర శాఖలకు చెందిన నిపుణుల పరిశీలనకు పంపింది.
ఆ నిపుణులు పోస్టుమార్టం నివేదికను పరిశీలించి చిత్ర ఉరిపోసుకునే ఆత్మహత్య చేసుకున్నట్టు నిర్ధారించారు. ఈ నివేదికను హేమనాథ్ బెయిలు పిటిషన్పై విచారణ జరుపుతున్న హైకోర్టు న్యాయమూర్తి భారతిదాసన్కు మంగళవారం పోలీసులు సమర్పించారు. న్యాయమూర్తి ఆ నివేదికను స్వీకరించి కేసు తదుపరి విచారణను మార్చి 5కి వాయిదా వేశారు.
|
|