ఆ సాంగ్ కోసం దుస్తులు విప్పమన్నారు: ప్రియాంక చోప్రా

బాలీవుడ్ స్టార్‌ హీరోయిన్ ప్రియాంక చోప్రా హాలీవుడ్‌ లో కూడా రాణిస్తోంది. అమెరికా సింగర్‌ నిక్‌ జోన్స్‌ను పెళ్లి చేసుకున్న తర్వాత ఆమె అమెరికాలోనే ఉంటూ హాలీవుడ్ ‌పైనే ఎక్కువగా దృష్టి పెట్టింది.
ప్రియాంక ‘అన్‌ఫినిష్డ్‌‌’ పేరుతో స్వయంగా తన ఆత్మకథను రాసి.. ఇటీవల ఫిబ్రవరి 9న ఆ బుక్‌ను రిలీజ్ చేశారు. ఇందులో ఆమె ప్రస్తావించిన కొన్ని సంఘటనలు అందరిని ఆశ్చర్యానికి గురి చేస్తున్నాయి. ప్రియాంక ఎదుర్కొన్న చేదు సంఘటనలను చదివి అంతా విస్తుపోతున్నారు. ఇక నిర్మోహమాటంగా తనకు ఎదురైన చేదు అనుభవాలను గురించి ఈ పుస్తకంలో ప్రియాంక ప్రస్తావించింది. ఆమెపై ఇప్పుడు ప్రశంసల జల్లు కురిపిస్తున్నారు.
కేరీర్‌ ప్రారంభంలో తనను దర్శకులు చులకనగా చూసేవారని, ఓ సినిమాలో ఐటెం సాంగ్‌ చేస్తుండగా ఆ సినిమా దర్శకుడు తనతో అసభ్యంగా ప్రవర్తించాడని, తన దుస్తులను విప్పేయాలని చెప్పినట్లు చెప్పారు. ఒక్కొక్కొ షాట్ ‌లో ఒక్కొ వస్త్రం విప్పుతూ లో దుస్తులు కనిపించాలన్నాడని, అలా అయితే ఈ సాంగ్‌ చేయనని, తనకు ఇష్టం లేదని, ఈ సినిమా నుంచి తప్పుకుంటున్నట్లు డైరెక్టర్ ‌కు చెప్పేశానని చెప్పింది. అంతటితో ఆగని ఆ వివాదం హీరో సల్మాన్‌ ఖాన్‌ జోక్యం చేసుకోవడంతో సద్దుమనిగింది అని ప్రియాంక రాసుకొచ్చారు.
2000 సంవత్సరంలో తాను మిస్‌ వరల్డ్‌ అయ్యాక సినిమాల్లో నటించాలనే ఆశతో మొదట్లో ఓ మూవీ ఆడిషన్స్ ‌కు వెళ్లానని, అక్కడ నిర్మాత తనను చూట్టు తిరగమని చెప్పి, ఆ తర్వాత తన చెస్ట్‌ చిన్నగా, బటక్స్‌ పెద్దగా ఉన్నాయని, శరీరంలో మార్పు చేసుకోవాలని సలహా ఇచ్చినట్లు ఆమె పుస్తకంలో పేర్కొన్నారు.
ప్రియాంక తన ఆత్మకథ తానే స్వయంగా రాసుకోవడంతో ఈ పుస్తకాన్ని కోనేందుకు అభిమానులు నుంచి ప్రముఖుల వరకు అసక్తి చూపిస్తున్నారట. దీంతో మార్కెట్ లో ఈ బుక్‌ విపరీతంగా అమ్ముడు పోతున్నట్లు సమాచారం.