కూతురిపై సురేఖా వాణి కామెంట్స్

సురేఖా వాణి గురించి తెలుగు ప్రేక్షకులకు ప్రత్యేకంగా చెప్పనక్కర్లేదు. ఆమె చేసిన పాత్రలతో మంచి గుర్తింపును తెచ్చుకున్నారు. కమెడియన్‌గానే కాకుండా ఎమోషనల్ పాత్రల్లోనూ నటించి మంచి పేరును సంపాదించుకున్నారు. అయితే సురేఖా వాణికి నటిగా కంటే సోషల్ మీడియా ద్వారానే ఎక్కువ మంది ఫిదా అయ్యారు. ఇప్పుడు ఆమె సోషల్ మీడియా స్టార్. ఆమె తన కూతురు సుప్రితతో కలిసి చేసే అల్లరి నెట్టింట్లోవైరల్ అవుతుంటుంది. తాజాగా ఆమె కూతురి చేష్టలపై సురేఖా వాణి చేసిన కామెంట్ అందరినీ ఆకట్టుకుంటోంది.

సురేఖా వాణి తన కూతురు సుప్రితతో కలిసి చేసే డ్యాన్సులు ఎక్కువగా వైరల్ అవుతుంటాయి. టిక్ టాక్ హవా నడిచిన రోజుల్లో ఈ తల్లీ కూతుళ్లు చేసిన రచ్చ అంతా ఇంతా కాదు. వెరైటీ వెరైటీ గెటప్పులు, స్టెప్పులతో రచ్చ చేసేవారు. ఇక సోషల్ మీడియాలో చేసే అందాల ఆరబోత మాత్రం మరో లెవెల్‌లో ఉంటుంది. ఇక సురేఖా వాణి మోడ్రన్ దుస్తులు ధరించి ఇచ్చే పోజులకు కుర్రకారు ఫిదా అవుతుంటారు.

సురేఖా వాణి రెండో పెళ్లి గురించి నిత్యం ఏదో ఒక చర్చ జరుగుతూనే ఉంటుంది. ఆ మధ్య రెండో పెళ్లి అంటూ రూమర్లు ఎక్కువ అవడంతో సురేఖా వాణి ఆగ్రహం వ్యక్తం చేశారు. తప్పుడు ప్రచారాలు చేసే వారిపై సురేఖా వాణి మండిపడ్డారు. ఇక సోషల్ మీడియాలో తమ పెట్‌తో సురేఖా వాణి, సుప్రితలు చేసే చేష్టలు వైరల్ అవుతుంటాయి. ఆ మధ్య తమ పెంపుడు కుక్కకు బర్త్ డేను గ్రాండ్‌గా సెలెబ్రేట్ చేయడంతో తీవ్రంగా ట్రోలింగ్ జరిగింది.

తాజాగా తన పెట్‌తో సుప్రిత ఆడుకోవడంపై సురేఖా వాణి కౌంటర్ వేశారు. నేల మీద పడుకుని, పెట్‌తో ముద్దు ముచ్చట్లు ఆడుతూ ఉన్న సుప్రితపై కామెంట్ చేశారు. ఏంటో ఈ పిచ్చి చేష్టలు అంటూ కూతురి అల్లరిపై సురేఖా వాణి సెటైర్ వేశారు.