అతడితో ఏడు సంవత్సరాల పాటు రిలేషన్ లో ఉన్నాను.. నేనేం వర్జిన్ కాదు!

తెలుగు బిగ్ బాస్ సీజన్ 5 లో ఎన్నో అంచనాల నడుమ అడుగు పెట్టిన 7 ఆర్ట్స్ సరయు అనూహ్యంగా మొదటి వారంలోనే బయటకు వెళ్లి పోయింది. ఆమె బూతులు.. ఆమె గొడవలు ఖచ్చితంగా బిగ్ బాస్ ప్రేక్షకులకు మస్త్ ఎంటర్ టైన్మెంట్ ను అందిస్తాయని అంతా ఊహించాను. కాని ఆమె ఇంకా ఆట స్టార్ట్ కూడా చేయకుండానే ఎలిమినేట్ అయ్యింది. ఆమె ఎలిమినేషన్ చాలా మందికి ఆశ్చర్యం కలిగించింది. ఎలిమినేట్ అయిన తర్వాత ఇంటి సభ్యులపై ఆమె తీవ్ర స్థాయిలో విమర్శలు చేసింది. కొందరు కూడబలుక్కుని ఆడుతూ ఉన్నారని సాక్ష్యాలతో సహా చూపించే ప్రయత్నం చేసింది. బిగ్ బాస్ నుండి బయటకు వెళ్లిన రెండు మూడు రోజుల వరకు కనిపించకుండా పోయిన సరయు మళ్లీ మెల్లగా మీడియా ముందుకు వచ్చింది. తన సొంత యూట్యూబ్ ఛానెల్ లో మొదటి ఇంటర్వ్యూను ఇచ్చి ఆ తర్వాత ఇతర మీడియా సంస్థలకు ఇంటర్వ్యూలు ఇస్తూ వస్తోంది. తాజాగా ఒక ఇంటర్వ్యూలో తన ప్రేమ వ్యవహారం.. బ్రేకప్ విషయాన్ని గురించి చెప్పింది.

సరయు మాట్లాడుతూ.. ఒక వ్యక్తిని ప్రేమించాను. అతడితో ఏడు సంవత్సరాల పాటు రిలేషన్ లో ఉన్నాను. మా రిలేషన్ గురించి.. సహ జీవనం గురించి మా ఇంట్లో వారికి వాళ్ల ఇంట్లో వాళ్లకు కూడా తెలుసు. నేను అతడితో రిలేషన్ కోసం నా కెరీర్ ను వదిలేశాను. ఏడు సంవత్సరాల పాటు నా వంద శాతంను అతడికి ఇచ్చాను. నేను వర్జిన్ కూడా కాదు అని చెప్పింది. మా ప్రేమను మరింత ముందుకు తీసుకు వెళ్లే ఉద్దేశ్యంతో పెళ్లికి సిద్దం అయ్యాము. పెళ్లికి ఏర్పాట్లు జరుగుతున్న సమయంలో పీఠల మీద పెళ్లిని ఆపేశాడు. అతడు మొదట పాతిక లక్షల కట్నంను డిమాండ్ చేశాడు. అందుకు మా కుటుంబం ఓకే చెప్పింది. ఆ తర్వాత 50 లక్షలు.. కోటి అంటూ కట్నం పెంచుకుంటూ వెళ్లాడు. ఒకానొక సమయంలో మా కుటుంబంకు ఉన్న ఆస్తిలో సగం తనకు ఇవ్వాలంటూ కోరాడు. దాంతో అతడి తీరుపై నాకు అసహ్యం వేసింది.

ఇప్పుడే ఇంతగా ఆస్తి గురించి.. కట్నం గురించి ప్రాకులాడుతున్నాడు కదా.. ముందు ముందు ఇతడితో సంతోషంగా నేను ఎలా ఉండగలను అనే అనుమానం నాకే వచ్చింది. అందుకే అతడితో పెళ్లి వద్దనుకున్నాను. అతడితో ఏడు సంవత్సరాలు రిలేషన్ లో ఉన్నా కూడా దాన్ని బ్రేక్ చేసుకుని మళ్లీ కెరీర్ పై దృష్టి పెట్టాను. అతడితో రిలేషన్ షిప్ ను కొనసాగించినందుకు ఇప్పుడు సిగ్గుగా ఉందని.. అయితే అప్పటికి అయినా నాకు నేను అర్థం చేసుకుని అతడి నుండి దూరం జరిగినందుకు సంతోషంగానే ఉందని చెప్పుకొచ్చింది. బోల్డ్ మాటలు.. చేష్టలతో తన వీడియోలతో పాపులర్ అయిన సరయు మరి కొన్ని వారాలు బిగ్ బాస్ లో ఉండి ఉంటే ఖచ్చితంగా ఆమె మరింతగా గుర్తింపు దక్కించుకునేది అంటూ విశ్లేషకులు అభిప్రాయం వ్యక్తం చేస్తున్నారు.