ఈ భామ మళ్ళీ ఫామ్ లోకి వచ్చేస్తోందా!
cinema | Suryaa Desk | Published : Sat, Aug 05, 2017, 04:24 PM
సోగ్గాడే చిన్ని నాయనా, భలే భలే మొగాడివోయ్ చిత్రాలతో సూపర్ హిట్స్ అందుకున్న లావణ్య త్రిపాఠి ఈ మధ్య తాను చేసిన ’లక్ష్మి దేవికి లెక్కుంది’, రాధ, మిస్టర్ చిత్రాలతో ఆశించిన ఫలితాలను పొందలేక పోతోంది ఒకరకంగా చెప్పాలంటే తనకు ఈ ఏడాది కలసిరాలేదనే చెప్పాలి. ప్రస్తుతం లావణ్య కూడా తాను నటిస్తున్న యుద్ధం శరణం చిత్రం పైనే ఆశలు పెట్టుకున్నట్టు తెలుస్తోంది. అందుకే కాబోలు అవకాశాల వేట కొనసాగిస్తూ తన జోరును మళ్లీ పెంచేసింది. యుద్ధం శరణం విడుదలకి ముందే ఉన్నది ఒకటే జిందగీలో రామ్ సరసన ఎంపికైంది.
అందులో మొదట ఎంపికైన మేఘ ఆకాష్ స్థానాన్ని ఇప్పుడు లావణ్య భర్తీ చేస్తోంది. అలాగే సాయిధరమ్ తేజ్ చిత్రం కోసం కూడా ఆమెని ఎంపిక చేసుకొన్నట్టు తెలిసింది. సాయిధరమ్ తేజ్ కథానాయకుడిగా వి.వి.వినాయక్ దర్శకత్వంలో ఓ చిత్రం తెరకెక్కబోతోంది. అందులోనే లావణ్య త్రిపాఠిని కథానాయికగా ఎంపిక చేసినట్టు సమాచారం. ఆమె ఒప్పుకొన్న చిత్రాలన్నీ కూడా మంచి కాంబినేషన్లలో తెరకెక్కుతున్నవే కాబట్టి లావణ్య ఇక మళ్ళీ ఫామ్ లోకి వచ్చేసిందని అందరూ అనుకుంటున్నారు. ఏది ఏమైనా లావణ్య మంచి టాలెంట్ గర్ల్ కదూ..
|
|