ఎన్టీయార్- కొరటాల శివ మూవీ పట్టాలెక్కేదెపుడో??
cinema | Suryaa Desk | Published : Fri, Mar 18, 2022, 04:14 PM
యంగ్ టైగర్ ఎన్టీయార్ నుండి వచ్చిన చివరి చిత్రం అరవింద సమేత వీర రాఘవ. ఆ మూవీ వచ్చి మూడేళ్లు గడుస్తున్నా ఎన్టీఆర్ నుండి ఒక్క సినిమా కూడా రాలేదు. అయితే ఈ మూడేళ్ళ కాలాన్ని రాజమౌళి ఆర్ ఆర్ ఆర్ కోసం వెచ్చించాడు తారక్. ఇప్పుడు ఆ సినిమా కూడా విడుదలకు సిద్ధంగా ఉంది. తారక్ కెరీర్లో 'ఆర్ ఆర్ ఆర్' 29వ సినిమా. కానీ తారక్ నుండి నెక్స్ట్ మూవీ అప్డేట్ రాలేదు.
ఎన్టీయార్ తన 30వ చిత్రాన్ని కొరటాల శివ దర్శకత్వంలో చేయనున్నట్లు ఇదివరకే ప్రకటించాడు. ఫిబ్రవరి 7వ తేదీన ఈ మూవీ ప్రారంభ కార్యక్రమం జరగాల్సివుంది. ఈ సినిమాలో హీరోయిన్ గా ఎంపికైన ఆలియా భట్ గంగూభాయ్ కతియవాడి విడుదల కారణంగా ఈ మూవీ ప్రారంభ కార్యక్రమం వాయిదా పడింది. కొరటాల శివ దర్శకత్వం వహించిన ఆచార్య ఏప్రిల్ 29 న విడుదలవనుంది. ఆర్ ఆర్ ఆర్ సినిమా ఈ నెల 25న విడుదల కానుండటంతో అప్పటి నుండి తారక్ ఫ్రీగానే ఉంటాడు. కానీ కొరటాల శివ మాత్రం ఆచార్య ప్రొమోషన్స్ తో బిజీగా ఉంటాడు. దీంతో తారక్ 30వ సినిమా ఎప్పుడు పట్టాలెక్కుతుందా అభిమానులు ఆసక్తిగా ఎదురుచూస్తున్నారు.
|
|