సుడిగాలి సుధీర్ "కాలింగ్ సహస్ర" టీజర్ అవుట్
cinema | Suryaa Desk | Published : Fri, Apr 01, 2022, 04:47 PM
బుల్లితెర సంచలనం సుడిగాలి సుధీర్ కు స్టార్ హీరోల రేంజుకి ఏమత్రం తగ్గని ఫ్యాన్ ఫాలోయింగ్ ఉందనడంలో అతిశయోక్తి లేదు. తన యాంకరింగ్ తో, మంచి కామెడీ టైమింగుతో, కిల్లింగ్ స్టెప్పులతో బుల్లితెర ప్రేక్షకులను మెప్పించిన సుధీర్ వెండితెర మీద కూడా ప్రత్యేక స్థానాన్ని సంపాదించుకోవాలని శతవిధాలా ప్రయత్నిస్తున్నాడు. ఈ మేరకు ఇప్పటికే సాఫ్ట్ వేర్ సుధీర్, 3 మంకీస్ వంటి చిత్రాలలో హీరోగా ప్రేక్షకులను ఆకట్టుకునే ప్రయత్నం చేసాడు.
తాజాగా మారో సినిమాతో హీరోగా ప్రేక్షకులను మెప్పించేందుకు రెడీ అవుతున్నాడు. అరుణ్ విక్కిరాల దర్శకత్వంలో రానున్న క్రైం థ్రిల్లర్ మూవీ కాలింగ్ సహస్ర లో హీరోగా నటించాడు సుడిగాలి సుధీర్. విజేష్ కుమార్, వెంకటేశ్వర్లు, చిరంజీవి సంయుక్తంగా నిర్మిస్తున్న ఈ చిత్రంలో డాలీషా హీరోయిన్గా నటిస్తున్నారు. తాజాగా ఈ మూవీ టీజర్ ను ప్రముఖ నిర్మాత, గీతా ఆర్ట్స్ అధినేత అల్లు అరవింద్ లాంఛ్ చేసారు. దీంతో ఈ సినిమాపై మంచి అంచనాలు నెలకొన్నాయి. విడుదలైన టీజర్ కూడా ఆసక్తికరంగా కొనసాగుతూ ప్రేక్షకుల అటెన్షన్ గ్రాస్ప్ చేస్తోంది. త్వరలోనే ఈ సినిమాను విడుదల చేయటానికి సన్నాహాలు చేస్తున్నారు నిర్మాతలు. బుల్లితెరపై రాజ్యమేలుతున్న సుడిగాలి సుధీర్ ఈ సినిమాతో సిల్వర్ స్క్రీన్ పై ఎలాంటి మ్యాజిక్ చేస్తాడో చూడాలి మరి.
|
|