ట్రెండింగ్
'సాలార్' సెట్స్లో పృథ్వీరాజ్ సుకుమారన్ ఎప్పుడు జాయిన్ కానున్నాడో తెలుసా ?
cinema | Suryaa Desk | Published : Tue, Apr 05, 2022, 02:33 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమా 2023 ఏప్రిల్ లేదా జూన్లో విడుదల కానుంది. ఈ యాక్షన్ ఎంటర్టైనర్ సినిమాలో జగపతిబాబు, గోపీ కీలక పాత్రలో కనిపించనున్నారు. ఈ సినిమాలో మలయాళ సూపర్ స్టార్ పృథ్వీరాజ్ సుకుమారన్ కీలక పాత్ర పోషిస్తున్నట్లు మేకర్స్ ప్రకటించారు. తాజాగా జరిగిన ఒక ఇంటర్వ్యూలో పృథ్వీరాజ్ మాట్లాడుతూ 'సాలార్' సినిమాలో నటిస్తున్నట్లు అధికారికంగా కన్ఫర్మ్ చేసారు. అలాగే ఈ ఏడాది జూన్ తర్వాత ఈ సినిమా షూటింగ్ను ప్రారంభిస్తానని ఈ స్టార్ హీరో వెల్లడించారు. రవి బస్రూర్ ఈ సినిమాకి సంగీతం అందిస్తున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|