హీరోగా, నిర్మాతగా జోరు చూపిస్తున్న మాస్ రాజా...
cinema | Suryaa Desk | Published : Wed, Apr 06, 2022, 09:02 PM
సైడ్ క్యారెక్టర్లు, సపోర్టింగ్ రోల్స్ చేస్తూ స్వశక్తితో హీరోగా ఎదిగారు మాస్ రాజా రవితేజ. చాలా వేగంగా సినిమాలు చేసే హీరోగా రవితేజకు ఇండస్ట్రీలో మంచి పేరు. థియేటర్ కొచ్చిన ప్రేక్షకులను ఏమాత్రం నిరుత్సాహపరచకుండా పంపే నటులలో రవితేజ పేరు ముందు ఉంటుంది. ఆయన సినిమా అంటే హ్యూమర్, యాక్షన్ కంపల్సరీ.
ఇప్పటివరకు సోలో హీరోగా హిట్లు కొట్టిన రవితేజ ఇకనుండి మల్టీస్టారర్ సినిమాలు చేయడానికి కూడా సుముఖతను చూపిస్తున్నట్లు తెలుస్తోంది. మెగాస్టార్ చిరంజీవి, బాలకృష్ణ ల అప్ కమింగ్ సినిమాలలో రవితేజ కీలకపాత్ర పోషించబోతున్నట్లు చిత్రసీమలో జోరుగా ప్రచారం జరుగుతుంది. మరోపక్క నిర్మాతగా కూడా తన అదృష్టాన్ని పరీక్షించుకోటానికి సిద్ధపడ్డాడు రవితేజ. కోలీవుడ్ హీరో విష్ణు విశాల్ నటించిన FIR కు రవితేజ సహనిర్మాతగా వ్యవహరించగా, ఇప్పుడు మళ్ళీ ఆయనతోనే మట్టికుస్తి అనే ద్విభాషా చిత్రానికి తెలుగులో నిర్మాతగా వ్యవహరిస్తున్నారు. ఇలా.. నిర్మాతగా, బిగ్ సపోర్టింగ్ యాక్టర్ గా, సోలో హీరోగా రవితేజ త్రిపాత్రాభినయం చేయటం పై ఆయన అభిమానులకు హర్షం వ్యక్తం చేస్తున్నారు.
|
|