త్వరలోనే అర్జున్ రెడ్డి 'రా' వర్షన్
cinema | Suryaa Desk | Published : Tue, Apr 12, 2022, 12:57 PM
కొత్త దర్శకుడు సందీప్ రెడ్డి వంగా దర్శకత్వంలో రౌడీ హీరో విజయ్ దేవరకొండ, షాలినీ పాండే నటించిన యూత్ఫుల్ రొమాంటిక్ ఎంటర్టైనర్ చిత్రం అర్జున్ రెడ్డి. 2017 ఆగస్టు 25న విడుదలైన ఈ చిత్రం సూపర్ డూపర్ హిట్ అయింది. ఈ సినిమా హిందీ, తమిళ భాషల్లో కూడా రీమేక్ అయ్యి అక్కడ కూడా ఘనవిజయం సాధించిన విషయం తెలిసిందే. 2022 ఆగస్టు 25కి ఈ మూవీ విడుదలై ఐదేళ్లు గడుస్తుండడంతో అర్జున్ రెడ్డి దర్సకనిర్మాతలు ఒక స్పెషల్ ఎనౌన్స్మెంట్ చేసారు. అర్జున్ రెడ్డి రా వర్షన్ ను ప్రేక్షకుల ముందుకు తీసుకురాబోతున్నట్లు ప్రకటించటంతో అంతటా ఆసక్తి నెలకొంది.
అర్జున్ రెడ్డి మొత్తం సినిమా 4గంటల 20 నిమిషాల నిడివి ఉంటుందట. ఎడిట్ చేయగా అది కాస్తా 3.45 నిముషాలు వచ్చిందట. అంత నిడివితో సినిమా విడుదల చేయడం కష్టం కాబట్టి మరో 50 నిమిషాల సినిమాను కత్తిరించారట. ఇప్పుడా కట్ చేసిన సీన్లను జోడించి సినిమాను విడుదల చేస్తారట. ఈ విషయాలన్నింటిని స్వయంగా అర్జున్ రెడ్డి దర్శకుడు సందీప్ రెడ్డి వంగా తెలిపారు. అయితే ఆ సినిమాను ఓటిటిలో విడుదల చేస్తారా లేక మరేదైనా మార్గాన్ని ఎంచుకుంటారా అనేది తెలియాల్సి ఉంది. తెలుగు ఇండస్ట్రీలో ట్రెండ్ సెట్టర్ గా నిలిచిన ఆ మూవీ, రా వర్షన్ ఇప్పుడు ప్రేక్షకుల ముందుకు రాబోతుండటంతో ఈ సారి ప్రేక్షకులు, యూత్ ఆడియన్స్ నుండి ఎలాంటి స్పందన వస్తుందా అని అంతటా ఆసక్తి నెలకొంది.
|
|