40ఏళ్ళ వయసులో తల్లి కాబోతున్న ప్రముఖ పాప్ గాయని...
cinema | Suryaa Desk | Published : Tue, Apr 12, 2022, 09:05 PM
ప్రముఖ అమెరికన్ సింగర్, పాప్ ప్రిన్సెస్ గా ప్రఖ్యాతి గాంచిన బ్రిట్నీ స్పియర్స్ సోమవారం సోషల్ మీడియా వేదికగా తాను గర్భం దాల్చిన విషయాన్ని అభిమానులతో పంచుకుంది. మొత్తంగా ఆమె మూడోసారి తల్లి కాబోతుంది. కెవిన్ ఫెడెర్లిన్ నుండి 2007లో విడిపోయిన తర్వాత నుండి సామ్ అష్గరి తో సహజీవనం చేస్తుంది. ఇప్పటికే ఆమెకు ఇద్దరు పిల్లలున్నారు. సీన్ ప్రెస్టన్ 16, జైడెన్ జేమ్స్ 15. వీరికి తండ్రి కెవిన్ ఫెడెర్లిన్ కాగా, సామ్ అష్గరి తో బ్రిట్నీ మరోసారి గర్భం దాల్చింది.
అంతకుముందు గర్భం దాల్చినపుడు మీడియా ముందుకు రావాలంటే చాలా భయపడినట్టు, మానసిక సమస్యలను కూడా ఎదుర్కొన్నానని బ్రిట్నీ తెలిపింది. అందుకే ఈ సారి అలాంటి ఇబ్బందులను ఎదుర్కోకుండా ఉండేందుకు డైలీ యోగా చేయటానికి నిర్ణయించుకున్నట్లు బ్రిట్నీ పేర్కొంది. అయితే ... ఆమె మానసిక పరిస్థితి సరిగా లేనందున 2008 నుండి తన ఆస్తుల నిర్వహణను తండ్రి జేమ్స్ చూసుకుంటూ వచ్చారు.అయితే తన స్వేచ్చకు తండ్రి అడ్డుగా ఉన్నాడని భావించిన బ్రిట్నీ ఆయన్ను తన సంరక్షకుడిగా తప్పించాలని కొంతకాలంగా న్యాయ పోరాటం చేస్తుంది. జేమ్స్ సంరక్షణ బాధ్యతలను గతేడాది న్యాయస్థానం రద్దు చేసింది.
|
|