పాన్ ఇండియా స్టార్ ఇమేజ్ కు అతి చేరువలో ... నేషనల్ క్రష్
cinema | Suryaa Desk | Published : Tue, Apr 19, 2022, 02:29 PM
రష్మిక మండన్నా... శాండల్ వుడ్ నుండి టాలీవుడ్ కి వలస వచ్చిన ఈ బ్యూటీ అనతికాలంలోనే స్టార్ హీరోయిన్ గా ఎదిగింది. ఛలో సినిమాతో టాలీవుడ్ తెరంగేట్రం చేసిన రష్మిక గీతాగోవిందం, సరిలేరు నీకెవ్వరూ, భీష్మ, పుష్ప వంటి హిట్ సినిమాలతో నేషనల్ క్రష్ గా అవతరించింది.
పుష్ప ది రైజ్ సినిమాతో పాన్ ఇండియా క్రేజ్ ను సొంతం చేసుకున్న ఈ భామ వరసగా రెండు హిందీ చిత్రాలను లైన్ లో పెట్టింది. సిద్దార్థ్ మల్హోత్రా పక్కన మిషన్ మజ్ను లో, గుడ్ బై లో అమితాబ్ బచ్చన్ తోనూ కలిసి నటిస్తుంది. ఈ ఏడాదిలోనే ఈ రెండు చిత్రాలు విడుదలవనున్నాయి. మరోపక్క పుష్ప ది రూల్ చిత్రంలోనూ రష్మిక కథానాయికగా నటించనుంది. ఈ చిత్రాలన్నీ బాక్సాఫీస్ వద్ద హిట్ అయితే కనక రష్మిక కు బాలీవుడ్లో మంచి డిమాండ్ ఏర్పడుతుంది.
అలానే... కోలీవుడ్లో కూడా రష్మిక ఎంట్రీ ఇవ్వబోతుంది. కార్తీ హీరోగా నటిస్తున్న సుల్తాన్ చిత్రం, విజయ్ 66వ చిత్రంలోనూ రష్మిక ఫిమేల్ లీడ్ గా నటిస్తుంది. మలయాళంలో కూడా సీతారామం అనే చిత్రంలో కీలక పాత్ర పోషిస్తుంది రష్మిక. దుల్కర్ సల్మాన్, మృణాల్ ఠాకూర్ జంటగా నటిస్తున్న ఈ చిత్రం రష్మికకు మల్లూవుడ్ డిబట్ మూవీ. ఈ చిత్రాలు కనక పాజిటివ్ టాక్ తెచ్చుకుంటే రష్మికకు కోలీవుడ్, మల్లువుడ్ లలో కూడా మంచి రికగ్నిషన్ వస్తుంది.
తెలుగు, తమిళ, మలయాళ, హిందీ, కన్నడ భాషలలో నటిస్తూ ఇంకొద్దికాలంలోనే పాన్ ఇండియా స్టార్ ఇమేజ్ ను దక్కించుకోనుంది ఈ నేషనల్ క్రష్.
|
|