'బీస్ట్' డైరెక్టర్పై తలపతి విజయ్ తండ్రి కీలక వ్యాఖ్యలు
cinema | Suryaa Desk | Published : Thu, Apr 21, 2022, 12:20 PM
నెల్సన్ దిలీప్ కుమార్ దర్శకత్వంలో తలపతి విజయ్ అండ్ సిజ్లింగ్ బ్యూటీ పూజాహెగ్డే నటించిన 'బీస్ట్' సినిమా గ్రాండ్ గా విడుదలైంది. ఈ సినిమా సినీ ప్రేమికులు నుండి మిశ్రమ స్పందనను అందుకుంది. ఈ యాక్షన్ డ్రామా సినిమాలో సెల్వరాఘవన్, యోగి బాబు, రెడిన్ కింగ్స్లీ మరియు ఇతరులు ముఖ్య పాత్రల్లో నటిస్తున్నారు. తమిళనాడులో ఈ సినిమా వసూళ్లు సాధిస్తున్నప్పటికీ ఈ సినిమా పెద్ద ఫ్లాప్ గా నిలిచింది. తాజాగా ఇప్పుడు తలపతి విజయ్ తండ్రి ప్రముఖ నిర్మాత మరియు దర్శకుడు చంద్రశేఖర్ ఒక ఇంటర్వ్యూలో మాట్లాడుతూ..... బీస్ట్లో సరైన కథాంశాన్ని రాయనందుకు నెల్సన్ను నిందించారు. విజయ్ ఇచ్చిన గొప్ప అవకాశాన్ని నెల్సన్ ఉపయోగించుకోలేదని మరియు సినిమాను మంచిగా ప్రదర్శించలేదని చంద్రశేఖర్ చెప్పారు. ఫైట్లు తప్ప సినిమాలో ఇంకా స్టోరీ ఏమి బాగోలేదని చంద్రశేఖర్ అన్నారు. ఈ సినిమాని కళానిధి మారన్ నిర్మించగా, రాక్ స్టార్ అనిరుద్ రవిచంద్రన్ సంగీతం అందించారు.
|
|