పుష్పా 2 పై అవాంఛిత పుకార్లను సృష్టిస్తున్న బాలీవుడ్
cinema | Suryaa Desk | Published : Mon, Apr 25, 2022, 12:13 PM
ఇటీవల విడుదలై బాక్సాఫీస్ వద్ద గ్రాండ్ సక్సెస్ ను సొంతం చేసుకుంటున్న కేజీఎఫ్ 2 ప్రభావం అల్లు అర్జున్ నటించిన పుష్ప సీక్వెల్ పై బాగా పడుతుందని విమర్శకుల అంచనా. భీకరమైన యాక్షన్ అడ్వెంచరస్ కథతో రమ్మని అల్లుఅర్జున్ డైరెక్టర్ సుకుమార్ ని రిక్వెస్ట్ కూడా చేసాడని టాక్. ఇలాంటి నేపథ్యంలో పుష్ప సీక్వెల్ పై వస్తున్న కొన్ని పుకార్లు టీం ను చాలా డిస్టర్బ్ చేస్తున్నాయట. ఇండియన్ బాక్సాఫీస్ వద్ద ముఖ్యంగా బాలీవుడ్ బాక్సాఫీస్ వద్ద కేజీఎఫ్ 2 సూపర్ సక్సెస్ అవ్వడంతో సుకుమార్-అల్లుఅర్జున్ ల పుష్ప 2 సీక్వెల్ అర్ధాంతరంగా ఆగిపోయిందని కొన్ని పుకార్లు బాలీవుడ్ లో హల్చల్ చేస్తున్నాయి. అయితే ఇదంతా అబద్దమని మనకు తెలుసు. ఎందుకంటే పుష్ప 2 స్క్రిప్ట్ పనులు ఇంకా జరుగుతూనే ఉన్నాయి, షూటింగ్ కూడా స్టార్ అవ్వలేదు. అసలు సెట్స్ పైకి వెళ్లని సినిమా ఎలా ఆగిపోతుంది? అని ప్రతి ఒక్కరూ ఆశ్చర్యపోస్తున్నారు. కొంతమంది బాలీవుడ్ జనాలు పనిగట్టుకుని మరీ పుష్ప 2 పై ఇలాంటి అవాంఛిత పుకార్లను ఎందుకు సృష్టిస్తున్నారో తెలియాల్సి ఉంది.
పోతే... గతేడాది విడుదలైన పుష్ప సినిమా తెలుగులో మిక్స్డ్ టాక్ తెచుకున్నప్పటికీ బాలీవుడ్ లో విజయ బావుటా ఎగురవేసింది. హిందీలో ఎటువంటి ప్రచారం చేయనప్పటికీ కేవలం మౌత్ టాక్ తోనే రూ. 100 కోట్ల మార్కును అందుకుంది. దీంతో ఈ మూవీ సీక్వెల్ పై బాలీవుడ్ జనాలు భారీ అంచనాలు పెట్టుకున్నారు. కొంతమంది బాలీవుడ్ విశ్లేషకుల అంచనా ప్రకారం, పుష్ప మొదటి భాగం కన్నా రెండవ భాగం మరింత విజయం సాధిస్తుందని ఆశాభావం వ్యక్తం చేస్తున్నారు.
|
|