రాజమౌళితో సినిమాను చేయనంటున్న మెగాస్టార్... ఎందుకంటే?
cinema | Suryaa Desk | Published : Wed, Apr 27, 2022, 03:20 PM
మెగాపవర్ స్టార్ రాంచరణ్ తో దర్శకధీరుడు మగధీర సినిమా చేసినప్పటి నుండి రాజమౌళితో మెగాస్టార్ చిరంజీవి ఒక ప్రత్యేకమైన అనుబంధాన్ని కొనసాగిస్తున్నారు. మెగాస్టార్ కొత్త చిత్రం ఆచార్య ప్రీ రిలీజ్ ఈవెంట్ కు జక్కన్న చీఫ్ గెస్ట్ గా హాజరయ్యారు. దీంతో త్వరలోనే చిరుతో రాజమౌళి సినిమా చేస్తారని అంతా అనుకున్నారు. ఇలాంటి ఊహాగానాలకు చెక్ పెడుతూ ఈ విషయం పై చిరంజీవి క్లారిటీ ఇచ్చారు. చిరంజీవి మాట్లాడుతూ... రాజమౌళితో ఇప్పుడే కాదు భవిష్యత్తులో కూడా నేను సినిమా చెయ్యను. ఒక వేళ రాజమౌళి నా దగ్గరకు మంచి సబ్జెక్టుతో వచ్చినా నేను రిజెక్ట్ చేస్తాను. అతని కధలు, ఆ కధలలోని పాత్రల వైవిధ్యత నటీనటుల నుండి చాలా శ్రమను కోరుకుంటాయి. ఒక నటుడిగా నేను రాజమౌళిని తృప్తి పరచలేను... అంటూ రాజమౌళితో సినిమా చెయ్యనని ఖరాఖండి గా చెప్పేసారు. పోతే... కొరటాల శివ డైరెక్షన్లో చిరు, చరణ్ లు కలిసి నటించిన ఆచార్య చిత్రం ఏప్రిల్ 29న ప్రేక్షకుల ముందుకు రానుంది. ప్రస్తుతం ఈ చిత్ర ప్రొమోషన్ కార్యక్రమాలు ముమ్మరంగా జరుగుతున్నాయి.
|
|