లవ్ లో దారుణంగా దెబ్బతిన్న యంగ్ హీరో విశ్వక్ సేన్...
cinema | Suryaa Desk | Published : Fri, Apr 29, 2022, 08:49 PM
టాలీవుడ్ యువనటుడు విశ్వక్ సేన్ హీరోగా, విద్యాసాగర్ డైరెక్షన్లో రూపొందుతున్న చిత్రం 'అశోకవనంలో అర్జునకల్యాణం'. ఈ సినిమా షూటింగ్ ఎప్పుడో పూర్తయిపోయింది కానీ కరోనా మరియు ఇతర కారణాల వల్ల పలుమార్లు వాయిదా పడుతూ వచ్చింది. రుక్సార్ ధిల్లాన్ హీరోయిన్గా నటించిన ఈ మూవీ ఎట్టకేలకు మే 6న ప్రేక్షకుల ముందుకు రానుంది. విడుదల దగ్గర పడుతుండటంతో ప్రచార కార్యక్రమాలను షురూ చేసారు. తాజాగా విశ్వక్ సోషల్ మీడియా వేదికైన ఇంస్టాగ్రామ్ లో చిట్ చాట్ సెషన్ నిర్వహించారు. అందులో తన లవ్ బ్రేకప్ గురించి తెలిపి ప్రేక్షకులను ఒక్కసారిగా షాక్ కు గురి చేసారు. గతంలో తానొక అమ్మాయిని విపరీతంగా ఇష్టపడ్డాననీ, ఆ అమ్మాయితో మూడేళ్ళపాటు పీకల్లోతు ప్రేమలో ఎంజాయ్ చేసానని, అయితే అనుకోని కారణాల వల్ల ఆ అమ్మాయి తనకు బ్రేకప్ చెప్పిందని బరువెక్కిన హృదయంతో విశ్వక్ చెప్పాడు. లవ్ బ్రేకప్ అయిన సంగతి కూడా తనకు నెల రోజుల తర్వాత తెలిసిందని, అది మరింత బాధాకరమని వివరించాడు. ఈ ఇంస్టా చిట్ చాట్ ను అశోకవనంలో అర్జునకల్యాణం టీం నేడు విడుదల చేసింది.
ఫ్యామిలీ ఎంటర్టైనర్ గానే కాక ఎమోషన్, రొమాన్స్ కూడా ఉండే ఈ సినిమాలో పెళ్లి కావటం లేదని బాధపడుతున్న అల్లం అర్జున్ కుమార్ గా విశ్వక్ నటిస్తుండగా, పసుపులేటి మాధవి గా రుక్సార్ నటిస్తున్నారు. BVSN ప్రసాద్ సమర్పణలో SVCC డిజిటల్ బ్యానర్ పై బాపినీడు, సుధీర్ ఈదర ఈ సినిమాని నిర్మిస్తున్నారు.
|
|