మెగాస్టార్ 'ఆచార్య' తొలి రోజు వసూళ్లివే..
cinema | Suryaa Desk | Published : Sat, Apr 30, 2022, 07:02 PM
మెగాస్టార్ చిరంజీవి హీరోగా, ఆయన తనయుడు రామ్ చరణ్ కీలక పాత్రలో వచ్చిన సినిమా 'ఆచార్య'. ఏప్రిల్ 29న శుక్రవారం థియేటర్లలో విడుదలైన ఈ సినిమా ప్రేక్షకులను ఆకట్టుకుంది. కొన్ని చోట్ల డివైడ్ టాక్ వచ్చినప్పటికీ భారీ వసూళ్లు దక్కడం చిత్ర బృందానికి ఊరటనిస్తోంది. కొరటాల శివ దీనికి దర్శకత్వం వహించడం, సంగీత దర్శకుడు మణిశర్మ అందించిన బాణీలు విడుదలకు ముందే సినిమాపై అంచనాలు పెంచేశాయి. ఇక తెలుగు రాష్ట్రాల్లో ఈ సినిమా తొలి రోజు రూ.33 కోట్ల షేర్ లభించిందని చిత్రవర్గాల్లో ప్రచారం సాగుతోంది. ఇవి మంచి వసూళ్లేననే అభిప్రాయాలు వ్యక్తమవుతున్నాయి.
తండ్రీ తనయుడు చిరు-చరణ్ కలిసి నటించిన సినిమా కావడంతో ప్రేక్షకులు ఈ సినిమా కోసం విపరీతంగా ఎదురు చూశారు. ఇక మణిశర్మ రూపొందించిన పాటలు లాహేలాహే, బంజారా పాటలు ప్రేక్షకులను ఉర్రూతలూగించాయి. ఇక ఈ సినిమా ఫలితం ఎలా ఉన్నప్పటికీ చిరు తదుపరి చిత్రాలు వరుసగా విడుదలకు సిద్ధంగా ఉన్నాయి. మలయాళంలో మోహన్ లాల్ హీరోగా రూపొందిన 'లూసిఫర్' సినిమాను తెలుగులో 'గాడ్ ఫాదర్' పేరుతో సినిమా తీశారు. భోళా శంకర్, వాల్తేరు వీరయ్య వంటి సినిమాలు కూడా వేగంగా చిత్ర నిర్మాణాన్ని పూర్తి చేసుకుంటున్నాయి. దీంతో మెగా అభిమానులు సంతోషంలో మునిగిపోయారు.
|
|