'విరాటపర్వం' విడుదల తేదీ ఖరారైంది!
cinema | Suryaa Desk | Published : Sat, May 07, 2022, 12:02 PM
రానా దగ్గుబాటి, సాయి పల్లవి జంటగా నటించిన 'విరాటపర్వం' సినిమాకు సంబంధించి కీలక అప్ డేట్ వచ్చింది. ఈ సినిమాను థియేటర్లలో విడుదల చేసేందుకు గతంలో రెండు సార్లు రిలీజ్ డేట్ను చిత్రయూనిట్ ప్రకటించింది. అయితే కరోనా పరిస్థితులు, ఇతర అవాంతరాలతో ఆ సినిమా వాయిదా పడుతూ వచ్చింది. తాజాగా ఈ సినిమాను జులై 1న థియేటర్లలో విడుదల చేయనున్నట్లు చిత్ర యూనిట్ శుక్రవారం అధికారికంగా ప్రకటించింది. సినిమా చిత్రీకరణ పూర్తై, చాలా కాలం అయింది. దీనిని ఓటీటీ వేదికగా విడుదల చేస్తారనే వదంతులు వచ్చాయి. అయితే వాటిని చిత్ర యూనిట్ కొట్టిపారేసింది. థియేటర్లలోనే విడుదల చేస్తున్నట్లు ప్రకటించి, ఊహాగానాలకు తెరదించింది.
మావోయిస్టుల నేపథ్యంతో వస్తున్న ఈ సినిమాకు ఉడుగుల వేణు దర్శకత్వం వహించారు. మావోయిస్టుల నాయకుడైనా రానాను ప్రేమించే యువతిగా సాయిపల్లవి కనిపించనుంది. ఇప్పటికై విడుదలైన టీజర్, ట్రైలర్ ప్రేక్షకులలో ఆసక్తిని రేకెత్తించాయి. ఈ సినిమాలో ప్రియమణి కూడా ముఖ్యపాత్రలో నటించింది. దగ్గుబాటి సురేశ్ బాబు సమర్పణలో సుధాకర్ చెరుకూరి ఈ చిత్రాన్ని నిర్మించారు. సురేశ్ బొబ్బిలి ఈ సినిమాకు సంగీతం అందించారు.
|
|