'వలయం' హీరో గ్యాంగ్ స్టర్ గంగరాజు గా వచ్చేది ఎప్పుడంటే...?
cinema | Suryaa Desk | Published : Tue, May 10, 2022, 01:23 PM
రమేష్ కదుముల దర్శకత్వంలో లక్ష్ చదలవాడ హీరోగా పరిచయమైన సినిమా వలయం. 2020లో విడుదలైన ఈ సినిమా ప్రేక్షకులను ఆకట్టుకోలేకపోయింది. అయితే హీరోగా లక్ష్ కు మంచి పేరొచ్చింది.
తాజాగా లక్ష్ హీరోగా గ్యాంగ్ స్టర్ గంగరాజు అనే చిత్రం తెరకెక్కుతుంది. ఇషాన్ సూర్య దర్శకత్వం వహిస్తున్న ఈ చిత్రాన్ని శ్రీ తిరుమల తిరుపతి వెంకటేశ్వర ఫిలిమ్స్ పతాకంపై పద్మావతి చదలవాడ నిర్మిస్తున్నారు. సాయి కార్తీక్ సంగీతం అందిస్తున్న ఈ మూవీ షూటింగ్ ఇటీవలనే పూర్తయింది. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ మూవీ జూన్ 24న తెలుగు, తమిళ భాషలలో విడుదల కానుంది. పక్కా కమర్షియల్ మూవీ గా గ్యాంగ్ స్టర్ గంగరాజు ను తెరకెక్కించామని, ఈ మూవీ మాస్ ఆడియన్స్ కు తప్పకుండా నచ్చుతుందని చిత్రబృందం నమ్మకంగా చెప్తుంది. ఇప్పటికే విడుదలైన లిరికల్ సాంగ్స్, టీజర్ తో సినిమాపై తగిన బజ్ క్రియేట్ అయ్యింది.
|
|