రామ్ చరణ్ నటనపై కీలకవ్యాఖ్యలు చేసిన సీనియర్ నటుడు కోటా
cinema | Suryaa Desk | Published : Tue, May 10, 2022, 04:58 PM
తెలుగు చిత్రపరిశ్రమ గర్వించదగ్గ గొప్ప నటుడు కోటా శ్రీనివాసరావు. విలన్గా, క్యారెక్టర్ ఆర్టిస్టుగా, కమెడియన్ గా విభిన్న పాత్రలలో నటించి అశేష తెలుగు ప్రేక్షకులను తన అభిమానులుగా చేసుకున్నారు. వయసు సహకరించట్లేదు కానీ ఇప్పటికీ సినిమాలు చెయ్యాలనే తపన ఆయనలో ఉంది. అయితే, ఇంత గొప్ప నటుడు, ఈ మధ్య కొన్ని వివాదాస్పద వ్యాఖ్యలతో వార్తల్లో నిలుస్తున్నారు.
జబర్దస్త్ యాంకర్ అనసూయ భరద్వాజ్ డ్రెస్సింగ్ స్టైల్ పై షాకింగ్ కామెంట్స్ చేసిన కోటా ఆ తర్వాత మెగాస్టార్ పై విరుచుకు పడ్డారు. హాస్పిటల్ కట్టిస్తానని స్టేట్మెంట్ ఇవ్వటం కన్నా పేద సినీ కార్మికులకు తన వంతు సహాయం అందిస్తే చాలా బావుంటుంది అంటూ చిరుపై కోటా వివాదాస్పద వ్యాఖ్యలు చేసారు. తాజాగా మెగాస్టార్ తనయుడు మెగాపవర్ స్టార్ రామ్ చరణ్ నటనపై కోటా కీలక వ్యాఖ్యలు చేసారు. తెలుగు చిత్ర పరిశ్రమలో జూనియర్ ఎన్టీయార్, మహేష్ బాబు, అల్లు అర్జున్, ల తర్వాతనే రామ్ చరణ్ పేరు వినబడుతుంది. అదికూడా, ఆయన మెగాస్టార్ తనయుడు కావడం వల్లనే, నటుడిగా తనను తాను పూర్తిగా చరణ్ నిరూపించుకోవాలి ... అంటూ కోటా పేర్కొన్నారు. అయితే దీనిపై మెగా అభిమానులు మండిపడుతున్నారు.
|
|