సితార జీవితలక్ష్యం ఏంటో తెలుసా...?
cinema | Suryaa Desk | Published : Tue, May 10, 2022, 08:58 PM
సితార ఘట్టమనేని... తెలుగు ప్రేక్షకులకు పరిచయం అక్కర్లేని పేరు. సూపర్ స్టార్ మహేష్ బాబు, నమ్రత శిరోద్కర్ ల గారాల పట్టి. యూట్యూబ్ ట్యుటోరియల్స్, ఇంస్టాగ్రామ్ వీడియోస్ తో సితార బాగా పాపులర్ అయ్యింది. ఈ మధ్యనే మహేష్ కొత్త సినిమా 'సర్కారువారిపాట' సినిమాలో పెన్నీ సాంగ్ తో టాలీవుడ్ కు అఫీషియల్ ఎంట్రీ ఇచ్చింది ఈ మల్టీ టాలెంటెడ్ కిడ్. మహేష్, నమ్రతలిద్దరూ తనకు నచ్చింది చేసేలా సితారకు ఫుల్ ఫ్రీడమ్ ఇచ్చారు. సోషల్ మీడియాలో చాలా యాక్టివ్ గా ఉండే ఆమె వంశీ పైడిపల్లి కుమార్తె ఆద్య తో కలిసి ఏకంగా ఒక యూట్యూబ్ ఛానల్ స్టార్ట్ చేయడమే కాక సరిలేరు నీకెవ్వరు సినిమా సమయంలో తన తండ్రిని ఇంటర్వ్యూ కూడా చేసి ప్రేక్షకుల చేత శెభాష్ అనిపించుకుంది. .
తాజాగా 'సర్కారు వారి పాట' సినిమా ప్మోషన్స్ నేపథ్యంలో సితార కొన్ని టీవీ ఛానళ్లకు ఇంటర్వ్యూ ఇచ్చింది. అందులో భాగంగా మీ డ్రీమ్ ఏంటి అని యాంకర్ అడిగిన ప్రశ్నకు సితార ఏమాత్రం తడుముకోకుండా యాక్టర్ అని చెప్పి అందరినీ ఆశ్చర్యానికి గురి చేసింది. కృష్ణ తర్వాత మహేష్ బాబు సినిమా రంగంలో కొనసాగుతుంటే, ఫ్యూచర్ లో ఘట్టమనేని నటవారసురాలిగా సితార సినిమా రంగంలో స్థిరపడనుందన్న మాట.
|
|