పిల్లలకోసం పులిలా మారిన రాఖీభాయ్... ఐరా, యధర్వ్ అంటే ఎంతిష్టమో
cinema | Suryaa Desk | Published : Thu, May 12, 2022, 02:15 PM
కేజీఎఫ్ ఫ్రాంచైజీతో ఒక్కసారిగా పాన్ ఇండియా స్టార్ రేసులోకి వచ్చాడు కన్నడ నటుడు యష్. 2018లో ఎటువంటి అంచనాలు లేకుండా విడుదలై ఘనవిజయం సాధించిన కేజీఎఫ్ 1 కు రెండో భాగంగా, భారీ బడ్జెట్టుతో కేజీఎఫ్ 2 నిర్మితమైందన్న విషయం తెలిసిందే. ఎన్నో అంచనాల నడుమ ప్రపంచవ్యాప్తంగా ఏప్రిల్ 14న విడుదలైన కేజీఎఫ్ చాప్టర్ 2 మూవీ, తొలి షోతోనే హిట్ టాక్ తెచ్చుకుని, మంచి వసూళ్లను సాధిస్తుంది. లోకల్, నేషనల్ గానే కాక ఈ సినిమా ఇంటెర్నేషనల్ గాను సత్తా చాటుతుంది. ప్రశాంత్ నీల్ డైరెక్షన్లో రాకింగ్ స్టార్ యష్ నటించిన కేజీఎఫ్ 2 లో శ్రీనిధి శెట్టి హీరోయిన్ కాగా బాలీవుడ్ సీనియర్ నటులు సంజయ్ దత్, రవీనాటాండన్, ప్రకాష్ రాజ్, రావు రమేష్ కీలక పాత్రలు పోషించారు. ఈ సినిమాతో యష్ పేరు దేశవ్యాప్తంగా మారు మోగిపోయింది. దేశంలోని అన్ని ప్రాంతాలలో యష్ కు అభిమాన సంఘాలు ఏర్పడ్డాయి. ఈ సినిమా చారిత్రక విజయంతో, యష్ ప్రస్తుతం సక్సెస్ మోడ్ లో ఉన్నాడు. తన కుటుంబంతో క్వాలిటీ సమయాన్ని గడుపుతున్నాడు. తాజాగా తన పిల్లలు ఐరా, యధర్వ్ లతో ఆటలాడుతున్న వీడియో ఒకటి తన ఇంస్టాగ్రామ్ ఖాతాలో షేర్ చేసాడు. యధర్వ్ నేను డైనోసార్ లాగా మారిపోయాను అంటూ యష్, ఐరాలను భయపెడతాడు. ఆహ్... ఐరా, డాడా భయపడిపోయారు అంటూనే యష్ పులిలా గాండ్రిస్తాడు. దీంతో భయపడిపోయిన యధర్వ్ వెంటనే అక్కడి నుండి పరుగుతీస్తాడు. అదిచూసిన యష్, ఐరాలు నవ్వుకుంటారు. కొద్దిసేపట్లోనే ఈ వీడియో కాస్తా వైరల్ గా మారింది. 2 మిలియన్ కు పైగా లైక్స్ వచ్చాయి.
|
|