అయ్యో ! అలా అనుకున్నారా?.... కాదు - ఎంగేజ్మెంట్ వార్తలపై సోనాక్షి
cinema | Suryaa Desk | Published : Thu, May 12, 2022, 09:11 PM
బాలీవుడ్ స్టార్ హీరోయిన్ సోనాక్షి సిన్హా తాజాగా తన వేలికి వజ్రపుటుంగరం ఉన్న ఫోటోను సోషల్ మీడియాలో షేర్ చేసింది. నాకున్న అతి పెద్ద కలల్లో ఒకటి నిజమైన రోజు... మీతో షేర్ చేసుకోకుండా ఉండలేకపోతున్నాను... ఇంత సులభంగా జరిగిపోతుందని అనుకోలేదు... అంటూ కామెంట్ కూడా చెయ్యటంతో అభిమానులు సోనాక్షి ఎంగేజ్మెంట్ చేసుకుందని భావించి,శుభాకాంక్షలను కామెంట్ల రూపంలో తెలియచేశారు. మొత్తానికి బాలీవుడ్ లో మరో స్టార్ పెళ్లి హడావుడి మొదలు కాబోతుందని ప్రచారం జరుగుతున్న నేపథ్యంలో సోనాక్షి తన ఎంగేజ్మెంట్ వార్తలపై స్పందించింది. నేను రహస్యంగా నిశ్చితార్ధం చేసుకున్నానని మీరు పొరబడ్డారు. అది నా తప్పు కాదు. నేను చేసిన పోస్ట్ లో అన్నీ నిజమే చెప్పాను. ఏదీ అబద్ధం చెప్పలేదు. నేను 'సోయిజీ' అనే గోళ్ళ రంగు బ్రాండ్ ను ప్రారంభించాను. నేను సొంతంగా ప్రారంభించిన కంపెనీ కాబట్టి నా కల నిజమైన రోజు అని కామెంట్ చేశాను. నేను పోస్ట్ చేసిన ఫొటోల్లో నా వేలికున్న రింగును చూసారు కానీ నా చేతివేళ్ళకున్న అందమైన నెయిల్ పాలిష్ ను మీరు గమనించకపోతే అది నా తప్పా... అని తన కొత్త పోస్టుతో వివరణ ఇచ్చుకుంది.
|
|