మహేష్ బాబుకు మద్దతుగా కంగనా రనౌత్
cinema | Suryaa Desk | Published : Fri, May 13, 2022, 11:54 AM
ఇటీవల అడవి శేష్ నటించిన 'మేజర్' ప్రమోషన్స్లో భాగంగా సూపర్ స్టార్ మహేష్ బాబు చేసిన వ్యాఖ్యలు బాలీవుడ్లో దుమారం రేపాయి. బాలీవుడ్ తనను భరించలేదు అని పేర్కొన్న మహేష్ బాబుపై బాలీవుడ్ అక్కసు వెళ్లగక్కింది. పనిగట్టకుని వ్యతిరేక ప్రచారం చేసింది. దీంతో మహేష్ వ్యాఖ్యలపై ఆయన టీమ్ వివరణ ఇచ్చింది. తనకు తెలుగులోనే సౌకర్యంగా ఉందని చెప్పడమే ఆయన ఉద్దేశమని పేర్కొంది. అయినప్పటికీ ఈ వ్యాఖ్యల వేడి ఇంకా చల్లారలేదు. ఈ తరుణంలో బాలీవుడ్ హీరోయిన్, ఫైర్ బ్రాండ్ కంగన రనౌత్ కీలక వ్యాఖ్యలు చేసింది. మహేష్కు మద్దతుగా నిలుస్తూ, ఆయన అన్నదాంట్లో తప్పేమీ లేదని చెప్పింది. మహేష్ బాబుకు తగని రెమ్యూనరేషన్ బాలీవుడ్ ఇవ్వలేదని బహిరంగంగా వ్యాఖ్యానించింది.
కొన్నేళ్లుగా టాలీవుడ్ దేశంలో అగ్ర సినీ పరిశ్రమగా కొనసాగుతోందని కంగనా ప్రశంసించింది. బాలీవుడ్ నుంచి చాలా మంది ఆయనతో సినిమా కోసం సంప్రదించిన విషయం తనకు తెలుసని చెప్పింది. అయితే ఆయనకు తగిన స్థాయిలో రెమ్యూనరేషన్ ఇవ్వలేక బాలీవుడ్ వారు వెనుదిరిగారన్నారు. ఈ విషయంపై అంతా ఎందుకు రాద్ధాంతం చేస్తున్నారో అర్థం కావడం లేదన్నారు. మహేష్ బాబు తెలుగు ఇండస్ట్రీపై నిబద్ధతతో ఉన్నారని, అందుకే అక్కడ విజయవంతమయ్యారని తెలిపింది. టాలీవుడ్ గత 10 ఏళ్లుగా, కోలీవుడ్ గత 15 ఏళ్లుగా అగ్రపథంలో దూసుకెళ్తున్నాయని, అయితే బాలీవుడ్ వాటిని చూసి నేర్చుకోవాలని హితవు పలికింది.
|
|