టెన్త్ ఫలితాలలో ఘట్టమనేని వారసుడి విజయభేరి
cinema | Suryaa Desk | Published : Fri, May 27, 2022, 03:35 PM
రీసెంట్గా విడుదలైన పదవ తరగతి ఫలితాలలో సూపర్ స్టార్ మహేష్ బాబు గౌతమ్ తన సత్తా చాటాడు. హైదరాబాద్ లోని CHIREC ఇంటెర్నేషనల్ స్కూల్ లో CBSE పదవ తరగతిని ఇటీవలే పూర్తి చేసిన గౌతమ్ డిస్టింక్షన్ సాధించాడు. టెన్త్ క్లాస్ లో గౌతమ్ కు 10/10 స్కోర్ వచ్చిందని సోషల్ మీడియా వేదికగా నమ్రత సగర్వంగా ప్రకటించింది. ఈ మేరకు నమ్రత ఇంస్టాగ్రామ్ లో ఎమోషనల్ నోట్ ను షేర్ చేసింది. అన్ని సబ్జెక్టుల్లో గౌతమ్ మంచి ఉత్తీర్ణత సాధించాడని, గౌతమ్ పట్ల తనకెంతో గర్వంగా, సంతోషంగా ఉందని, జీవితంలో రాబోయే కొత్త ఛాలెంజ్ లను కూడా ఇలాగే సక్సెస్ఫుల్ గా ఎదుర్కోవాలని నమ్రత రాసుకొచ్చింది. తనకు ఎల్లప్పుడూ అండగా ఉంటామని, ఇలాగే మమ్మల్ని గర్వించేలా చేస్తూ ఉండాలని గౌతమ్ కు నమ్రత దిశానిర్దేశం చేసింది. సూపర్ స్టార్ కూడా కొడుకు సాధించిన ఘనతకు సోషల్ మీడియా వేదికగా శుభాకాంక్షలను తెలియచేసారు. ప్రస్తుతం విదేశాల్లో సమ్మర్ వెకేషన్ ను ఎంజాయ్ చేస్తున్న సూపర్ స్టార్ ఫ్యామిలీ, గౌతమ్ టెన్త్ క్లాస్ పాసైన సెలెబ్రేషన్స్ ను అక్కడే జరుపుకోనున్నారు.
|
|