ఈ తేదీన విడుదల కానున్న 'విరాట పర్వం'
cinema | Suryaa Desk | Published : Tue, May 31, 2022, 11:41 AM
వేణు ఊడుగుల దర్శకత్వంలో టాలీవుడ్ హ్యాండ్సమ్ హంక్ రానా దగ్గుబాటి 'విరాట పర్వం' సినిమా చేస్తున్న సంగతి అందరికి తెలిసిందే. ఈ పీరియాడికల్ డ్రామాలో సాయి పల్లవి కథానాయికగా నటించింది. రానా అభిమానులు అండ్ సినీ ప్రేమికులు ఈ సినిమా కోసం ఎంతో ఆసక్తిగా ఎదురుచూస్తున్నారు. 'విరాట పర్వం' సినిమా జూలై 1న ప్రపంచవ్యాప్తంగా థియేటర్లలో విడుదల కానుంది అని మూవీ మేకర్స్ ప్రకటించారు కానీ ఈ చిత్రం జూన్ 17, 2022న విడుదల చేస్తున్నట్లు మేకర్స్ ప్రకటించారు. అతి త్వరలో మూవీ మేకర్స్ ఈ సినిమా ప్రమోషన్లను ప్రారంభించనున్నారు. ప్రియమణి, నందితా దాస్, నివేదా పేతురాజ్, ప్రియమణి, ఈశ్వరీ రావు, రవి ఆనంద్, నవీన్ చంద్ర, జరీనా వహాబ్ తదితరులు ఈ సినిమాలో కీలక పాత్రలు పోషిస్తున్నారు. సురేష్ ప్రొడక్షన్స్, శ్రీ లక్ష్మీ వెంకటేశ్వర సినిమాస్ బ్యానర్లపై సురేష్ బాబు, సుధాకర్ చెరుకూరి ఈ సినిమాని నిర్మిస్తున్నారు. ఈ చిత్రానికి సురేష్ బొబ్బిలి సంగీతం అందించారు.
|
|