పవర్ స్టార్ తో జక్కన్న సినిమా పక్కా అంటున్న విజయేంద్ర ప్రసాద్

టాలీవుడ్ స్టార్ హీరోలను పాన్ ఇండియా స్టార్లుగా మార్చి, వారి క్రేజును అమాంతం పెంచేసిన రాజమౌళి, పవన్ కళ్యాణ్ తో సినిమా చేసి తన క్రేజును పెంచుకోవాలంటున్నాడు. ఇందుకోసం జక్కన్న ఎప్పటి నుండో ప్రయత్నిస్తున్నాడు. కానీ వర్కౌట్ అవ్వట్లేదు. ఒకటి రెండు సార్లు పవన్ ను కలిసి స్టోరీలైన్ వినిపించినా, ఆయనకు నచ్చలేదని తెలుస్తుంది. ఈ క్రేజీ కాంబోలో సినిమా పట్టాలెక్కించాలంటే ఒకే ఒకవ్యక్తి వల్ల సాధ్యపడుతుంది. ఆయనే రాజమౌళి తండ్రి విజయేంద్ర ప్రసాద్. బాహుబలి ఇంటర్వెల్ సీన్ కు పవర్ స్టార్ ప్రేరణ అని ఎన్నో సార్లు చెప్పిన విజయేంద్ర ప్రసాద్ కు పవన్ అంటే చాలా ఇష్టం. పవన్ కోసం తాజాగా ఒక ప్రత్యేకమైన కథను రాసి పెట్టుకున్న విజయేంద్ర ప్రసాద్ రాజమౌళితో తెరకెక్కిస్తే బావుంటుందని అనుకుంటున్నాడట. 

ఒకవేళ రాజమౌళితో పవన్ కళ్యాణ్ సినిమా తీయాలంటే ఖచ్చితంగా మూడేళ్లయినా టైం పడుతుంది. జక్కన్న సూపర్ స్టార్ తో సినిమా ఎనౌన్స్ చేసాడు. ఇందుకోసం కనీసం రెండేళ్లు ఖచ్చితంగా పడుతుంది. ఈ సినిమా కన్నా ముందు త్రివిక్రమ్ తో మహేష్ చేస్తున్న సినిమా షూటింగ్ పూర్తయి విడుదలవ్వాలంటే ఒక సంవత్సరం మొత్తం మూడు సంవత్సరాలు రాజమౌళి బిజీ. మరో పక్క పవన్ కూడా వరస కమిట్మెంట్స్ తో 2024 వరకు బిజీగానే ఉండనున్నాడు. ఈలోపు ఆంధ్రప్రదేశ్ సాధారణ ఎన్నికలను ప్రకటిస్తే, చేతిలో ఉన్న సినిమాలను వదిలేసి పవన్ రాజకీయాల్లో బిజీ అవడం ఖాయం. తిరిగి సినిమాల్లోకొచ్చి, ఆల్రెడీ కమిటైన సినిమాలు పూర్తి చేసి , తదుపరి జక్కన్నతో సినిమా చేసే పరిస్థితి. ఇందుకు ఎంత టైం పడుతుందో అంచనా కూడా వెయ్యలేం. సో... ఈ కాంబోలో మూవీ ఇప్పట్లో లేదనే చెప్పుకోవాలి.