నయన్ పెళ్లిని చూడాలనుకుంటున్నారా? ఐతే ఆ ఓటిటీని సబ్ స్క్రయిబ్ చేసుకోండి

ప్రస్తుత కాలంలో జనాలు డబ్బుకు ఎంత విలువనిస్తున్నారంటే, జీవితంలోని మధుర స్మృతులను కూడా అమ్మకానికి పెట్టేస్తున్నారు. ప్రముఖ హాలీవుడ్ నటి ఏంజెలినా జోలీ తన పిల్లల మొదటి ఫోటోలను కొన్ని లక్షల డాలర్లకు ఒక ప్రైవేట్ కంపెనీకి అమ్మేసింది. అయితే, ఆ డబ్బును జోలీ సేవాకార్యక్రమాలకు వెచ్చించి తన పెద్ద మనసును చాటుకుంది. 

ప్రతిఒక్కరి జీవితంలో పెళ్లి అనేది ఒక మధురమైన ఘట్టం. ఒకేఒక్కసారి చేసుకునే వివాహం జీవితాంతం గుర్తిండిపోయేలా, ఇప్పట్లో చాలామంది అంగరంగ వైభవంగా చేసుకుంటున్నారు. ఖరీదైన వివాహ ఆహ్వాన పత్రికలు  ప్రీ వెడ్డింగ్ ఫోటో షూట్లు, హల్దీ, సంగీత్, వివాహం, రిసెప్షన్ ...  లోకంలో ఎక్కడా జరగని విధంగా తమ పెళ్లి జరగాలని  కోట్లు కుమ్మరిస్తున్నారు. మరికొంతమందైతే తమ వివాహ కార్యక్రమాన్ని ఏదో ఒక ప్రైవేట్ కంపెనీకి అప్పజెప్పేసి డబ్బులు ఆర్జిస్తున్నారు. ఈ కోవలోకే వస్తుంది లేడీ సూపర్ స్టార్ నయనతార పెళ్లి కూడా. డైరెక్టర్ విఘ్నేష్ శివన్ తో గత ఐదేళ్లుగా రిలేషన్ లో ఉన్న నయన్ ఈ నెల 9వ తారీఖున పెళ్లి చేసుకోబోతుంది. ముందుగా వీరిద్దరూ తిరుమల తిరుపతి దేవస్థానంలో వివాహం చేసుకుంటారన్న వార్తలు వచ్చాయి కానీ, మహాబలిపురంలో జూన్ 9న వీరి పెళ్లి జరగబోతుందని తెలిపే డిజిటల్ పెళ్లి కార్డు సోషల్ మీడియాలో హల్చల్ చేస్తుంది. వీరి వివాహాన్ని చూడాలనుకునే ఎంతోమంది అభిమానుల కోసం నయన్- విఘ్నేష్ లు నెట్ ఫ్లిక్స్ తో డీల్ కుదుర్చుకున్నారట. స్టార్ కపుల్ నయన్ - విఘ్నేష్ ల వివాహాన్ని జూన్ 9న కానీ, ఆ తర్వాత కానీ నెట్ ఫ్లిక్స్ లో చూడొచ్చని వార్తలు వస్తున్నాయి. వీరి వివాహాన్ని ప్రముఖ డైరెక్టర్ గౌతమ్ వాసుదేవ మీనన్ పర్యవేక్షిస్తారని తెలుస్తుంది. అయితే, ఈ వార్తలపై ఎలాంటి అధికారిక ప్రకటన లేదు.