యూరప్ లో మహేష్ - త్రివిక్రమ్ కథా చర్చలు?
cinema | Suryaa Desk | Published : Mon, Jun 06, 2022, 01:10 PM
సూపర్ స్టార్ మహేష్ బాబు నుండి విడుదలైన కొత్త చిత్రం సర్కారువారిపాట. పరశురామ్ డైరెక్ట్ చేసిన ఈ చిత్రంలో మహేష్ మాస్ యాక్టింగ్ కు, డైలాగ్స్ కు, స్టైలిష్ డ్యాన్స్ మూవ్ మెంట్స్ కు జనాలు నీరాజనాలు పలుకుతున్నారు. మే 12న విడుదలైన ఈ చిత్రం సూపర్ హిట్ టాక్ తో రన్ అవుతూ ఐదు రోజులలోనే రూ. 100 కోట్ల షేర్ ను రాబట్టింది. ప్రస్తుతం SVP సక్సెస్ ను ఎంజాయ్ చేస్తున్న మహేష్ వేసవి సెలవుల అనంతరం షెడ్యూల్ ప్రకారం, మాటల మాంత్రికుడు త్రివిక్రమ్ తో సినిమా స్టార్ట్ చేస్తాడు.
మహేష్ తో సినిమా ప్రకటించకముందు త్రివిక్రమ్ తారక్ తో ఒక సినిమా చెయ్యాల్సి ఉంది. కొన్ని కారణాల వల్ల ఆ సినిమా కాన్సల్ అయ్యి మహేష్ ప్రాజెక్ట్ తెరపైకి వచ్చింది. స్టోరీ లైన్ నచ్చినా స్క్రిప్ట్ విషయంలో మహేష్ అసంతృప్తిగా ఉన్నాడని టాక్. దీంతో త్రివిక్రమ్ కథకు కొన్ని మార్పులు చేర్పులు చేసాడట. కుటుంబంతో కలిసి జర్మనీలో వేసవి సెలవులను ఎంజాయ్ చేస్తున్న మహేష్ ను కలవడానికి తన ఇద్దరు అసిస్టెంట్లతో కలిసి త్రివిక్రమ్ యూరప్ వెళ్ళాడట. అక్కడే చర్చలు జరిపి స్క్రిప్ట్ ఫైనలైజ్ చేస్తారట. సినిమాకు సంబంధించిన బిజినెస్ విషయాలు, ప్రమోషన్స్ గురించి మహేష్ భార్య నమ్రతతో కూడా త్రివిక్రమ్ చర్చిస్తారని తెలుస్తుంది.
ఈ ప్రాజెక్టుకు సంబంధించి హీరోయిన్గా పూజాహెగ్డే, మ్యూజిక్ డైరెక్టర్ గా తమన్ ఇప్పటికే ఓకే అయిన విషయం తెలిసిందే. మిగిలిన నటీనటుల వివరాలు, కీ రోల్ ప్లే చేసే సెకండ్ హీరోయిన్ పై కూడా యూరప్ లోనే చర్చిస్తారని తెలుస్తుంది.
|
|