బాలయ్య తనయుడి డిబట్ ఎంట్రీ పై డైరెక్టర్ అనిల్ రావిపూడి క్లారిటీ
cinema | Suryaa Desk | Published : Mon, Jun 06, 2022, 01:04 PM
ఎఫ్ 3 సినిమాతో డైరెక్టర్ అనిల్ రావిపూడి చిత్రసీమలో తనను బీట్ చేసే వారే లేరని, తిరుగు లేని గుర్తింపు తెచ్చుకున్నాడు. సుప్రీం తో మొదలు పెట్టి ఎఫ్ 3 వరకు లెక్కపెడితే, అనిల్ కెరీర్లో ఒక్క ఫ్లాప్ కూడా కనిపించదు. రైటర్ నుండి డైరెక్టర్ గా మారిన అనిల్ అనతికాలంలోనే స్టార్ స్టేటస్ అందుకున్నారు. తదుపరి నందమూరి నటసింహం బాలకృష్ణ ను అనిల్ డైరెక్ట్ చెయ్యబోతున్నారు. ఈ నేపథ్యంలో బాలయ్య తనయుడు మోక్షజ్ఞ డిబట్ మూవీకి అనిల్ డైరెక్టర్ గా వ్యవహరిస్తారని కొన్ని రకాల వార్తలు ఈ మధ్య చిత్రసీమలో బాగా వినబడుతున్నాయి. బాలయ్యతో పాటు ఆయన కొడుకు మోక్షజ్ఞ ను కూడా అనిల్ డైరెక్ట్ చేస్తారని, మోక్షజ్ఞ మూవీ కి సంబంధించిన స్క్రిప్ట్ ను సిద్ధం చెయ్యమని బాలయ్య అనిల్ కు చెప్పినట్టు పలురకాల వార్తలు గత కొద్దికాలం నుండి నాన్ స్టాప్ గా వినబడుతూనే ఉన్నాయి. అయితే, ఈ వార్తలను కేవలం పుకార్లుగా కొట్టిపారేశారు అనిల్. ఈ పుకార్లను ప్రపంచం మొత్తం వింటుంది. కానీ, ఇలాంటి వార్తను నేను బాలయ్యగారి దగ్గర నుండి వినలేదు. మోక్షజ్ఞ మూవీ స్క్రిప్ట్ ను సిద్ధం చెయ్యమనికానీ, డైరెక్టర్ గా వ్యవహరించామని కానీ బాలయ్య నన్నెప్పుడూ అడగలేదు. ప్రస్తుతం నా చేతుల్లో ఉన్న ఏకైక ప్రాజెక్ట్ బాలయ్య సినిమానే... అంటూ అనిల్ తెలిపారు.
మోక్షజ్ఞ మూవీపై అనిల్ చెప్పిన సమాధానం విని నందమూరి అభిమానులు ఆందోళన పడుతున్నారు. అసలు మోక్షజ్ఞ హీరోగా డిబట్ ఎంట్రీ ఇస్తాడా? లేదా? అనే సందేహాలు బాలయ్య అభిమానులను వెంటాడుతున్నాయి.
|
|