పుష్ప 2 లో నలభై ఏళ్ళ వ్యక్తిగా అల్లు అర్జున్?
cinema | Suryaa Desk | Published : Mon, Jun 06, 2022, 02:08 PM
టాలీవుడ్ క్రేజీ డైరెక్టర్ సుకుమార్ రూపొందించిన హై ఓల్టేజ్ మాస్ యాక్షన్ ఎంటర్టైనర్ పుష్ప. ఎర్రచందనం అక్రమ రవాణా కేసుల నేపథ్యంలో ఈ సినిమా జరుగుతుంది. అల్లు అర్జున్, రష్మిక మండన్నా జంటగా నటించిన ఈ చిత్రం గతేడాది చివరిలో విడుదలై భారీ విజయాన్ని సొంతం చేసుకుంది. మొదటి నుండి ఈ సినిమాను కేజీఎఫ్ తో పోలుస్తూ రావటం వల్ల ప్రేక్షకుల్లో పాజిటివ్ బజ్ ను క్రియేట్ చేసారు సుకుమార్. తెలుగులో మిక్స్డ్ టాక్ వచ్చిన ఈ సినిమాకు హిందీలో మాత్రం అద్దిరిపోయే రెస్పాన్స్ వచ్చింది. ఎటువంటి ప్రొమోషన్ కార్యక్రమాలను హిందీలో చేయకున్నా రూ. 100 కోట్ల మార్కుతో బాలీవుడ్ లో ప్రభంజనం సృష్టించింది. ఈ సినిమాలో బన్నీ బాడీ లాంగ్వేజ్, మ్యానరిజమ్స్ ప్రేక్షకులను విపరీతంగా ఆకట్టుకున్నాయి. దేవి శ్రీ ప్రసాద్ అందించిన సంగీతం ఈ సినిమాని మరో మెట్టు ఎక్కించింది. మరీ ముఖ్యంగా సమంత చేసిన ఊ అంటావా... సాంగ్ బాగా పాపులర్ అయింది. భీకరమైన యాక్షన్ అడ్వెంచరస్ కథతో పుష్ప 2 సెన్సేషన్ క్రియేట్ చేస్తుందని అంతా అనుకుంటున్నారు. ఈ సినిమా విజయంతో సీక్వెల్ పై అంచనాలు భారీగా ఏర్పడ్డాయి.
ఈ సినిమాలో బన్నీ నలభై ఏళ్ళ నడివయసు వ్యక్తిగా కనిపిస్తారని ప్రచారం జరుగుతుంది. ఐతే సినిమా మొత్తం బన్నీ ఆ లుక్ లో కనిపిస్తారా? లేక కొద్దిసేపేనా? అన్నది క్లారిటీ లేదు. ప్రస్తుతం స్క్రిప్ట్ ఫైనలైజ్ చేసే పనుల్లో బిజీగా ఉన్న సుకుమార్ నెక్స్ట్ మంత్ నుండి పుష్ప 2 ను సెట్స్ పైకి తీసుకువెళ్లనున్నారని తెలుస్తుంది.
|
|