డెలివరీ అయ్యి రెండు నెలలు కాలేదు... అప్పుడే సినిమా అవకాశాల కోసం వేట మొదలెట్టిన కాజల్
cinema | Suryaa Desk | Published : Tue, Jun 07, 2022, 02:48 PM
టాలీవుడ్ చందమామ కాజల్ అగర్వాల్ ఏప్రిల్ 19న పండంటి మగబిడ్డకు జన్మనిచ్చిన విషయం మనందరికీ తెలిసిందే. బాబుకు నీల్ కిచ్లు అనే పేరును పెడుతున్నట్టు కాజల్ భర్త గౌతమ్, కాజల్ సోదరి మరియు హీరోయిన్ నిషా అగర్వాల్ తమ సోషల్ మీడియా ఖాతాల ద్వారా అభిమానులకు తెలియచేసారు. అయితే గత 12 సంవత్సరాలుగా నిర్విరామంగా వర్క్ చేసిన కాజల్, ప్రస్తుతం తన సినీ కెరీర్ కు బ్రేక్ ఇచ్చి తన లైఫ్ లోనే మోస్ట్ బ్యూటిఫుల్ మూమెంట్స్ ను ఎంజాయ్ చేస్తుంది. సినిమాలకు బ్రేక్ ఇచ్చినప్పటికీ సోషల్ మీడియా లో తన ఫ్యామిలీ విషయాలు, ఫోటోషూట్లు, పలు ప్రమోషనల్ వీడియోలు షేర్ చేస్తూ తన అభిమానులతో నిత్యం టచ్ లోనే ఉంటుంది. బిడ్డ పుట్టి ఇంకా రెండు నెలలు కూడా పూర్తిగా గడవలేదు. కాజల్ తిరిగి సినిమాల్లోకి ఎంట్రీ ఇవ్వాలనే ఆలోచనలో ఉందట. ఇప్పటికే ఆమె మేనేజర్లు ప్రముఖ ఓటిటీలు, ప్రొడక్షన్ హౌసుల చుట్టూ తిరుగుతూ, కాజల్ కు తగ్గ పాత్రల కోసం గాలింపు చర్యలను చేపట్టారని టాక్. సినిమాల్లోకి రావడానికి నేను రెడీనే అన్నట్టు కాజల్ కూడా సోషల్ మీడియాలో హాట్ హాట్ ఫోటోషూట్లతో పోస్ట్ చేస్తుంది.
చిత్రసీమలో ఇదివరకు ఎలా ఉండేదంటే, హీరోయిన్లకు పెళ్ళయ్యి, పిల్లలు పుట్టారంటే ఇక వారు హీరోయిన్ పాత్రలు పనికి రారని ముద్ర వేసేవారు. కాలక్రమంలో కరీనాకపూర్ ఖాన్, సమంత లాంటి హీరోయిన్లు ఇలాంటి సంప్రదాయాలకు చెక్ పెడుతూ పెళ్లి, పిల్లల తర్వాత కూడా హీరోయిన్ గానే కొనసాగుతున్నారు. ఇప్పుడు వీరిబాటలోనే కాజల్ కూడా పయనించనున్నట్టు తెలుస్తుంది.
|
|