టికెట్ రేట్లపై హీరో నితిన్ సెన్సేషనల్ కామెంట్స్
cinema | Suryaa Desk | Published : Sat, Jun 11, 2022, 09:19 PM
టాలీవుడ్ యంగ్ హీరో నితిన్ తండ్రి, శ్రేష్ట్ మూవీస్ అధినేత సుధాకర్ రెడ్డి, తమిళంలో కమల్ హాసన్ నటించిన "విక్రమ్" మూవీ హక్కులను కొనుక్కుని నైజాం లో సోలోగా రిలీజ్ చేసిన విషయం తెలిసిందే. లోకేష్ కనగరాజ్ డైరెక్షన్లో యాక్షన్ థ్రిల్లర్ గా రూపొందిన ఈ చిత్రంలో విజయ్ సేతుపతి, ఫాహద్ ఫాజిల్,సూర్య కీలక పాత్రలు పోషించారు. ప్రపంచవ్యాప్తంగా ఈ మూవీకి భారీ కలెక్షన్లు వస్తున్నాయి. తెలుగులో విక్రమ్ ను రిలీజ్ చేసిన సుధాకర్ రెడ్డి మాట్లాడుతూ.. టికెట్ రేట్లు పెంచకపోయినా ఇప్పటి వరకు తెలుగులో విక్రమ్ కు ఎనభై కోట్ల గ్రాస్ కలెక్షన్లు వచ్చాయని, విక్రమ్ ప్రివ్యూ కూడా చూడకుండా హక్కులు తీసుకున్నట్టు ఆయన చెప్పారు. కేవలం లోకేష్ మీద నమ్మకంతో ఇంకా కమల్, విజయ్, ఫాహద్, సూర్య వంటి స్టార్ క్యాస్ట్ ను చూసే ఈ సినిమా హక్కులను కొనుక్కున్నట్టు ఆయన చెప్పారు. టికెట్ రేట్లు పెంచడమనేది అర్ధం లేని పని అని, దానివల్ల రిపీట్ ఆడియన్స్, ఫామిలీ ఆడియన్స్ రాక థియేటర్లకు రావడం బాగా తగ్గిపోయిందని, టికెట్ రేట్లను అందుబాటు ధరల్లో ఉంచి, సినిమాను ఓటిటిలో యాభై రోజుల తర్వాత స్ట్రీమింగ్ చేస్తే పరిశ్రమకు చాలా మంచిదని ఆయన అభిప్రాయపడ్డారు.
|
|