వైరలవుతున్న నయన్ విఘ్నేష్ హనీమూన్ పిక్స్...
cinema | Suryaa Desk | Published : Mon, Jun 20, 2022, 06:24 PM
కొత్త దంపతులు నయనతార, విఘ్నేష్ శివన్ ప్రస్తుతం థాయిలాండ్ లో హనీమూన్ ట్రిప్ ఎంజాయ్ చేస్తున్నారు. కుటుంబసభ్యులు, సన్నిహితులు, స్నేహితులు, పలువురు సినీ సెలెబ్రిటీల సమక్షంలో జూన్ 9వ తేదీన మహాబలిపురంలోని ఒక ప్రైవేట్ రెస్టారెంట్ లో అంగరంగ వైభవంగా జరిగింది.
వివాహం జరిగిన తరవాతి రోజునే తిరుమల తిరుపతి శ్రీ వెంకటేశ్వర స్వామిని దర్శించుకున్న వీరు ఆపై చెన్నై మీడియాతో మీటింగ్ లో పాల్గొన్నారు. ఆ తర్వాత నయన్ సొంతూరైన కొచ్చిన్ కెళ్ళి, అక్కడి దేవాలయాలను సందర్శించి, నయన్ తల్లిని పలకరించి అక్కడే కొన్నిరోజులు గడిపారు. ఇప్పుడు తాజాగా హానీమూన్ కోసం థాయిలాండ్ వెళ్లినట్టు విఘ్నేష్ శివన్ ఇంస్టాగ్రామ్ పోస్ట్ ద్వారా తెలుస్తుంది. థాయిలాండ్ లో నయన్ తో గడుపుతున్న విలువైన సమయాన్ని కెమెరాతో బంధించిన విఘ్నేష్ ఈ ఫోటోలను ఇన్స్టాలో షేర్ చేసాడు. ఈ ఫొటోల్లో నయన్, విఘ్నేష్ ల సాన్నిహిత్యానికి నయన్ ఫ్యాన్స్ ఖుషి అవుతున్నారు. ప్రస్తుతం ఈ ఫోటోలు నెట్టింట వైరల్ గా మారాయి.
|
|