హైదరాబాద్ లోని ప్రభాస్ ఇంటి బయట అభిమానుల నిరసన
cinema | Suryaa Desk | Published : Tue, Jul 05, 2022, 04:31 PM
"డార్లింగ్" అని అభిమానులందరూ ఎంతో ఆప్యాయంగా పిలుచుకునే ప్రభాస్ పై, ఆయన ఫ్యాన్స్ లోనే కొంతమంది తీవ్ర విమర్శలకు దిగుతున్నారు. ఈ మేరకు శ్రీకాకుళం జిల్లా ప్రభాస్ ఫ్యాన్స్ ప్రెసిడెంట్ ప్రభాస్ సూర్య గతంలోనే ఒక ప్రకటన చేసారు. ఈ ప్రకటనలో, తమను తమ అభిమాన నటుడితో కలవనీయకుండా చేస్తున్నారని, ఎన్నిసార్లు అడిగినా ప్రభాస్ బిజీగా ఉన్నారని, ఔట్ డోర్ షూటింగ్ లో ఉన్నారని ఆయన మేనేజర్లు సమాధానమిస్తున్నారని, ప్రభాస్ మేనేజర్లు తమను చాలా ఛీప్ గా చూస్తున్నారని, అందుకే జూలై 15వ తేదీ తమ బృందమంతా కలిసి హైదరాబాద్ వచ్చి గౌరవనీయులైన శ్రీ కృష్ణం రాజు గారిని, ఆయన భార్య శ్యామల గారిని కలిసి తమ గోడు వెళ్లబోసుకుంటామని చెప్పారు.
కానీ, ముగ్గురు ప్రభాస్ వీరాభిమానులు మాత్రం జూలై 15 కన్నా ముందే హైదరాబాద్ వచ్చి ప్రభాస్ ఇంటి ఎదుట నిరసనకు దిగారు. తమ కోసం ప్రభాస్ తగినంత సమయం కేటాయించట్లేదని, ఎన్నిసార్లు ప్రభాస్ ను కలవాలని ప్రయత్నించినా ఆయన మేనేజర్లు అదే పాత సమాధానాలను ఇస్తున్నారని, ఈసారి ఏదిఏమైనా ప్రభాస్ ను కలిసే తీరతామని, అందుకోసం ఎలాంటి ప్రత్యామ్నాయాన్నైనా ఎదుర్కొంటామని పేర్కొన్నారు. ఈమేరకు ఒక వీడియోను వారు సోషల్ మీడియాలో పోస్ట్ చేసారు.
|
|