దిల్ రాజు కారణంగా గోల్డెన్ ఆపర్చ్యునిటీని నిఖిల్ కోల్పోబోతున్నాడా... ?
cinema | Suryaa Desk | Published : Tue, Jul 05, 2022, 04:50 PM
టాలీవుడ్ యంగ్ హీరో నిఖిల్ సిద్ధార్థ్ హీరోగా చందు మొండేటి దర్శకత్వం వహించిన సినిమా కార్తికేయ. 2014లో వచ్చిన ఈ సినిమా నిఖిల్ కెరీర్లోనే బిగ్గెస్ట్ హిట్ గా నిలిచింది. దీంతో ఈ సినిమా సీక్వెల్ పై మొదటినుండి మంచి అంచనాలు నెలకొన్నాయి. ఇటీవల విడుదలైన ట్రైలర్ తో ఆ అంచనాలు తారాస్థాయికి చేరుకున్నాయి. ప్రపంచవ్యాప్తంగా జూలై 22వ తేదీన విడుదల కాబోతున్న ఈ చిత్రం ఆగస్టు 5వ తేదికి వాయిదా పడే అవకాశం ఉందని ప్రస్తుతం ఇండస్ట్రీలో టాక్ నడుస్తుంది. ఇందుకు ప్రధాన కారణంగా ప్రముఖ నిర్మాత దిల్ రాజు పేరు వినిపిస్తుంది.
దిల్ రాజు తన సొంత నిర్మాణ సంస్థలో నిర్మించిన "థాంక్యూ" మూవీ కూడా జూలై 22న విడుదలవబోతుంది. ఆరోజున తన సినిమా ఒక్కటే సోలోగా రిలీజ్ అవ్వాలనే దిల్ రాజు ప్లాన్ తో నిఖిల్ కార్తికేయ 2 వెనక్కి వెళ్ళబోతున్నట్టు వినికిడి. ఒకవేళ కార్తికేయ 2 ఆగస్టు 5కు వాయిదా పడితే కనక నిఖిల్ తీవ్ర పోటీని తట్టుకోవాల్సి ఉంటుంది. ఎందుకంటే ఆరోజు కళ్యాణ్ రామ్ నటించిన "బింబిసార", దుల్కర్ సల్మాన్ "సీతారామం" సినిమాలు విడుదల కాబోతున్నాయి. ఇప్పటికే ఈ రెండు సినిమాల పట్ల ప్రేక్షకుల్లో మంచి అంచనాలు ఉన్నాయి. ఇలా చూసుకుంటే, సేఫ్ జోన్ నుండి నిఖిల్ డేంజర్ జోన్ లోకి పడిపోయినట్టే. చూద్దాం... కార్తికేయ మేకర్స్ దిల్ రాజు నిర్ణయానికి ఒప్పుకుంటారో ..లేదో..?
|
|