సుకుమార్ ప్రోద్బలంతో ఆ అలవాటుకు బానిసైన హీరో రామ్...!
cinema | Suryaa Desk | Published : Mon, Jul 11, 2022, 07:59 PM
టాలీవుడ్ ఎనర్జిటిక్ హీరో రామ్ పోతినేని టీనేజ్ లోనే సినిమాలలోకి వచ్చిన విషయం తెలిసిందే. పద్దెనిమిదేళ్ల వయసులో "జగడం" వంటి పక్కా కమర్షియల్ ఎలిమెంట్స్ ఉన్న యాక్షన్ ఎంటర్టైనర్ లో నటించి శెభాష్ అనిపించుకున్నాడు. ఈ మూవీని క్రియేటివ్ డైరెక్టర్ సుకుమార్ డైరెక్ట్ చేసారు. 2007లో విడుదలైన ఈ చిత్రం థియేటర్లలో సరిగా ఆడలేదు కానీ, ప్రేక్షకులకు మాత్రం బాగా నచ్చిన సినిమా.
"ది వారియర్" ప్రమోషన్స్ లో పాల్గొన్న రామ్, జగడం సినిమాకు సంబంధించిన ఆసక్తికరమైన విషయాన్ని ప్రేక్షకులతో షేర్ చేసుకున్నాడు. జగడం మూవీలో హీరో పాత్ర సిగరెట్లు తాగే అలవాటు ఉంటుందని, అదికూడా చైన్ స్మోకర్ లాగా అని చెప్పారు. అప్పటివరకు తన జీవితంలో చేతితో కూడా తాకని సిగరెట్ ను కాల్చాలంటే రామ్ కొద్దిగా భయపడ్డాడంట. సుకుమార్ నేతృత్వంలో సిగరెట్ పట్టుకోవడం, కాల్చడం నేర్చుకున్నాడట. ఐతే, జగడం షూటింగ్ ఆఖరి రోజుతో ఆ అలవాటుకు స్వస్తి చెప్పి, అప్పటినుండి ఇప్పటివరకు ఒక్కసారి కూడా సిగరెట్ ను కన్నెత్తి కూడా చూడలేదని చెప్పారు.
|
|