యూట్యూబ్ నెం. 1 ట్రెండింగ్ పొజిషన్ లో నితిన్ "రెడ్డి" సాంగ్
cinema | Suryaa Desk | Published : Tue, Jul 12, 2022, 10:55 AM
MS రాజశేఖర్ రెడ్డి దర్శకత్వంలో యంగ్ హీరో నితిన్, 'ఉప్పెన' ఫేమ్ కృతిశెట్టి జంటగా నటిస్తున్న చిత్రం "మాచర్ల నియోజకవర్గం". శ్రేష్ట్ మూవీస్ పతాకంపై సుధాకర్ రెడ్డి, నిఖితా రెడ్డి నిర్మిస్తున్న ఈ చిత్రంలో కేథరిన్ థెరిస్సా మరో హీరోయిన్ గా నటిస్తున్నారు. మహతీ స్వరసాగర్ ఈ సినిమాకు సంగీతం అందిస్తున్నారు.
ప్రపంచవ్యాప్తంగా ఆగస్టు 12న విడుదలవడానికి సిద్ధమవుతున్న ఈ సినిమాలోని "రా రా రెడ్డి ...ఐయామ్ రెడీ " అనే మాస్ మసాలా పాట లిరికల్ వెర్షన్ ఆదివారం విడుదలయ్యింది. ఈ పాటలో నితిన్, అంజలి కలిసి వేసే మాస్ స్టెప్పులు ప్రేక్షకుల చేత విజిల్స్ కొట్టించే విధంగా ఉన్నాయి. ముఖ్యంగా ఈ పాటలో అంజలి సూపర్ హాట్ గా కనిపించి, ప్రేక్షకులను మరింతగా ఆకట్టుకుంటుంది. ఈ పాటను లిప్సిక, ఆదిత్య అయ్యంగార్ కలిసి ఆలపించగా, కాసర్ల శ్యామ్ సాహిత్యమందించారు. ప్రస్తుతానికి ఈ పాట యూట్యూబు లో టాప్ ట్రెండింగ్ వీడియోస్ లో నెంబర్ వన్ పొజిషన్ లో ట్రెండ్ అవుతుంది. ఈ విషయాన్ని తెలుపుతూ, మేకర్స్ స్పెషల్ పోస్టర్ ను విడుదల చేసారు.
|
|